Maliyyə Nazirliyi gələn il üçün dövlət büdcəsinin ilkin proqnozunu açıqlayıb. Sənəddə Dövlət Sosial Müdafiə Fondunun gəlirləri və xərcləri də əksini tapıb.
Bu göstərici üzrə proqnoz 3 mlrd 400 mln manat (nominal olaraq + 2,8%, devalvasiya nəzərə alınmadan) müəyyən edilib. Təqdimatda deyilir ki (http://maliyye.gov.az/sites/default/files/2017-layihe.pdf), bunun 1 mlrd 270 mln-u (37,4%) dövlət büdcəsindən, 704,4 mln büdcə strukturlarından daxil olacaq, qalan 1,42 mlrd özəl strukturlardan icbari sığorta hesabına daxilolmalardır.
Xatırladaq ki, bu il DSMF-nin büdcəsinin gəlirləri və xərcləri 3 mlrd 307,36 mln manatdır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz