E. Rüstəmov Dünya Bankının nümayəndə heyətini qəbul edib
Mərkəzi Bankın rəhbəri Elman Rüstəmov sentyabrın 15-də Dünya Bankının (DB) Cənubi Qafqaz üzrə yeni təyin olunmuş regional direktoru Mersi Tembonun rəhbərlik etdiyi nümayəndə heyətini qəbul edib.
Görüş zamanı DB və Azərbaycan hökuməti arasında əməkdaşlıq, DB-nin Azərbaycanda həyata keçirdiyi proqram və layihələr müzakirə edilib.
Rüstəmov Dünya Bankının 2015-2020-ci illərdə Azərbaycanla tərəfdaşlıq üzrə çərçivə sənədinə diqqət ayırıb.
M.Tembo DB ilə Azərbaycan arasında keçmiş əməkdaşlıq səviyyəsini və eləcə də mövcud qlobal çağırışları nəzərə alaraq, Azərbaycan ilə əməkdaşlığı daha da gücləndirilməsi istiqamətində səyləri artırmağa çağırıb.
İyulda təsdiq edilən çərçivə sənədi Beynəlxalq Yenidənqurma və İnkişaf Bankı, Beynəlxalq Maliyyə Korporasiyası və Çoxtərəfli İnvestisiya Zəmanətləri Agentliyinin davamlı, inklüziv və özəl sektora yönəlmiş inkişafın dəstəklənməsini nəzərdə tutulur. DB sənəd çərçivəsində ölkədə yoxsulluğun əhalinin 5%-nə qədər azalacağını, orta sinfin 4%-dən 29%-ə qədər artacağını qeyd edirdi.
Real ÜDM 2015-ci ildə 1,5%-ə qədər endikdən sonra 2016-cı ildə 2,6%-ə, 2017-ci ildə 2,7%-ə qədər artacaq.
Nominal ÜDM 2014-cü ildə 58,9 mlrd. manatdan 2015-ci ildə 52,6 mlrd. manata qədər ucuzlaşdıqdan sonra, 2016-cı ildə 56,5 mlrd. manata və 2017-ci ildə 60,4 mlrd. manata qədər yüksələcək.
Qeyri-neft ÜDM 2015-ci ildə 3,6%-dən 2016-cı ildə 3,8%-ə və 2017-ci ildə 3,9%-ə qədər yavaş-yavaş artacaq.
Adambaşına düşən ÜDM 2014-cü ildə 7,938 dollardan 2015-ci ildə 5,447 dollara qədər düşdükdən sonra 2016-cı ildə 5,778 dollara, 2017-ci ildə isə 6,094 dollara qədər artacaq.
2015-ci ildə inflyasiya ikirəqəmli – 10,0% olacaq, 2016-cı ildə 4,6%-ə, 2017-ci ildə 3,5%-ə qədər azalacaq. 0-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz