Ekspert: «Mərkəzi Bankın qərarı hakimiyyətin acizliyini göstərir»
Azərbaycandan valyuta köçürmələrinə $10 min həcmində limit tətbiq edilməsi barədə qərar bir daha göstərir ki, hökümət hələ də Azərbaycandan kənara valyuta axınının qarşısını almaqda çətinlik çəkir və onun həllində acizdir. Tanınmış iqtisadçı Qubad İbadoğlu belə hesab edir.
Azərbaycan Mərkəzi Bankının qərarına görə, dekabrın 8-dən rеzidеnt və qeyri-rezident fiziki şəxs Azərbaycandan kənara bank hеsаbı аçmаdаn хаrici vаlyutа vəsаitlərini bir əməliyyаt günü ərzində 1000 АBŞ dоllаrı, ay ərzində isə 10000 АBŞ dоllаrı еkvivаlentinədək məbləğdə köçürə bilər.
Bu qərarı şərh edən Q.İbadoğlu öz Facebook səhifəsində yazıb ki, bu cür limit xaricdə təhsil alanlar üçün problem yaradacaq.
“Məsələn, mənim professoru olduğum Duke Universitetində 1 illik təhsil haqqı yaşayış xərcləri ilə birlikdə 65 min dollardır. Bizim limitə görə, övladı belə universitetlərdə oxuyan valideyn bu vəsaiti 6,5 ay ərzində köçürə bilər. Bu isə əlavə çətinliklər yaradacaq.
Digər tərəfdən, valyutanın sərbəst hərəkəti investorlar üçün də əhəmiyyətli məsələdir, o qeyd edib. –71D-
-
- Cəmiyyət
- 7 Dekabr 2016 17:11
-
- İqtisadiyyat
- 7 Dekabr 2016 17:43
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz