Ekspertlər neftin ucuzlaşması ilə bağlı risklərin idarə edilməsi üzrə təkliflər hazırlayıb

22 yanvar 2015-ci il tarixdə yerli mütəxəssislərin iştirakı ilə «Dünya bazarında neftin qiymətinin ucuzlaşmasının və Rusiyada iqtisadi böhranın Azərbaycana mümkün təsirləri» mövzusunda təşkil etdiyi ekspert müzakirəsinin iştirakçıları risklərin idarə edilməsi üzrə təkliflər hazırlayıb.

Azərbaycan Demokratiya və Rifah (ADR) Hərəkatının bu gün yaydığı qətnaməyə əsasən, ölkə iqtisadiyyatıda neft gəlirlərinin əhəmiyyətli rolunu nəzərə alaraq dövlət maliyyə planları (dövlət büdcəsi, neft fondunun büdcəsi, sosial müdafiə fondunun büdcəsi) müxtəlif qiymət ssenariləri (pis, yaxşı, orta) təklif edilir. Bununla bağlı dövlət  gəlirləri dürüstləşdirilməli və optimallaşdırılmalıdır.

  Qeyri-neft sektorundan  vergi daxilolmalarını artırmaq  üçün xüsusilə də orta və iri şirkətlərdə vergi öhdəliklərinin vaxtında və tam həcmdə yerinə yetirilməsi, vergi borclarının qaytarılması, bütövlükdə  vergi və gömrük intizamının artırılması istiqamətində səylər gücləndirilsin.

Gizli iqtisadiyyatın leqallaşdırılması, korrupsiya qarşı mübarizənin gücləndirilməsi, monopollaşmaının qarşısının alınması istiqamətində  xüsusi tədbirlər planı işlənilməlidir. Bunun üçün Rəqabət Məcəlləsi, “Maliyyə nəzarəti” haqqında qanun qəbul edilməli, Hesablama Palatasının, Korrupsiya qarşı mübarizə idarəsinin və  anti-inhisar departamentinin səalhiyyətləri genişləndirilməlidir.

Paralel olaraq xərcləri optimallaşdırılmalı, mərkəzi və yerli idarəetmə  orqanlarında  struktur  islahatları aparılmalı, məhkəmələrin müstəqilliyi təmin edilməlidir. Təkliflər sırasında Azərbaycanın Ümumdünya Ticarət Təşkilatına qəbulu sürətləndirilməsi də var. 08D