Elektrik enerjisi ixracı strateji malların satışından əldə edilən gəlirlərin azalmasını örtüb

Bu ilin on ayı ərzində Azərbaycan xaricə 2 milyard 712,5 milyon ABŞ dolları dəyərində qeyri-neft-qaz məhsulları satıb ki, bu da 2022-ci ilin müvafiq dövrü ilə müqayisədə 13,6 faiz çoxdur. Eyni zamanda, bir çox strateji mallar üzrə gəlirlər xeyli azalıb.

İxracın strukturunda qeyri-neft-qaz mallarının payı ötən ilin yanvar-oktyabr aylarında qeydə alınan 6,87 faizə qarşı 9,24 faiz təşkil edib.

Bu il qeyri-neft-qaz ixracının 20%-i meyvə-tərəvəzin, 7,4%-i kimya məhsulları, 12,3%-i elektrik enerjisi, 14,7%-i plastmas və onlardan hazırlanan məmulatların, 6,1%-i alüminiumun, 3,6%-i pambıq istehsalının, 3,1% qara metallar və s. payına düşür.  Bu il meyvə-tərəvəz (544,4 milyon) satışından əldə edilən gəlir 11,4 faiz, plastik məmulatlardan gəlir (400 milyon) 21,3 faiz, elektrik enerjisinin satışından əldə edilən gəlir (348 milyon) 5,3 dəfə artıb.

Dövlət Gömrük Komitəsinin məlumatına görə, bir çox digər mallar üzrə ixracın həcmi, eləcə də onlardan əldə olunan gəlirlər azalıb. Məsələn, pambıq lifinin ixracından 98,4 milyon manat əldə edilib ki, bu da 2022-ci ilin 10 ayı ilə müqayisədə 36 faiz azdır. Kimya məhsullarının ixracının həcmi 200 milyon qiymətləndirilir ki, bu da ötən ilki göstəricidən 40% azdır. Alüminium (166,5 milyon) və qara metalların (90,7 milyon) ixracından gəlirlər müvafiq olaraq 5,5% və 24,3% azalıb.