Elman Rüstəmov manatın məzənnəsinin kəskin sıçrayışının qarşısının alınacağını vəd edib (YENİLƏNİB)

Azərbaycan Mərkəzi Bankının (AMB) rəhbəri Elman Rüstəmov bu gün parlamentdəki çıxışında manatın kəskin sıçrayışının qarşısının alınması və makroiqtisadi sabitliyin saxlanması üçün AMB-nin və hökumətin potensialının olduğunu bildirib.

O etiraf edib ki, hazırda manatın məzənnəsinə «dollarlaşma» prosesi, xarici amillər, möhtəkirlərin hərəkətləri təsir göstərir.

Lakin AMB digər hökumət qurumları ilə birlikdə makroiqtisadi sabitliyi saxlamağa və manatın məzənnəsinin kəskin sıçrayışının qarşısının almağa qadirdir», - o bildirib.

Onun sözlərinə görə, dollara tələbat tədricən azalıb. Belə ki, son hərraca AMB-nin dəvət etdiyi 35 bankdan 28-i gəlib.

O xatırladıb ki, prezident İlham Əliyev ötən gün beynəlxalq maliyyə qurumları, o cümlədən BVF, Dünya Bankı, Asiya İnkişaf Bankı ilə əməkdaşlığı genişləndirməyi tapşırıb.  Əsasən irimiqyaslı struktur islahatları proqramı çərçivəsində və investsiya layihələrinin reallaşması üçün maliyyə resurslarının cəlb olunması nəzərdə tutulur.–06D-

2016 Yanvar 19 (Çərşənbə axşamı) 13:12:33

Azərbaycanda 5-7 bank yerləşdirilə bilər. Bunu bu gün Azərbaycan Mərkəzi Bankının (AMB) rəhbəri Elman Rüstəmov bildirib.

Onun sözlərinə görə, ümumilikdə bank sistemi stabildir. Lakin ödəniş qabiliyyətində problem olan 5-7 bank çox güman ki daha iri maliyyə-kredit müəssiələri ilə birləşdirləcək. O, əmanətçilərin zərər çəkməyəcəyini qeyd edib.

Azərbaycanda 43 bank fəaliyyət göstərir. Son ildə 3-nün lisenziyası geri alınıb.06D-