Fermerlərə fındığı yeni texnologiyalarla basdırmağı öyrədəcəklər

Kənd Təsərrüfatı Nazirliyinin elmi-tədqiqat institutları Zaqatalada “Fındıqçılığın inkişafında yeni texnologiyaların tətbiqi” mövzusunda elmi-praktiki seminar keçirib.

Zaqatalada fındıq istehsalı ailə təsərrüfatlarının əsas gəlir mənbələrindən biridir. Burda bir neçə iri ixtisaslaşdırılmış təsərrüfat da var. Meyvəçilik və Çayçılıq Elmi-Tədqiqat İnstitutunun sovet dövründən o cümlədən fındıqçılıq üzrə  bir neçə dayaq məntəqəsi var.

Prezident İlham Əliyev Kənd Təsərrüfatı Nazirliyinə fındıq bağlarının genişləndirilməsini tapşırıb. Çünki onun ixracı ölkəyə valyuta gətirir. Nazirlikdə Turan-a bildiriblər ki, yaxın illərdə fındıq bağları iki dəfə artaraq 40 minə çatacaq. 2015-ci ilin əvvəlində fındıq bağlarının sahəsi 32,7 min ha olub.

Fındıq bağları Qax, Zaqatala, Balakənin düzənlik ərazilərindədir.
2015-ci ildə 32,5 min ton fındıq istehsal edilib. Yeni bağ sahələri hər il 4-5% artır.

Hazırda Azərbaycan 5 aparıcı fındıq ixracatçısından (Türkiyə, Gürcüstan, İtaliya və ABŞ-la birgə) biridir. Zaqatalada Fındıq İxracatçıları Assosiasiyası var. Onun Almaniya və Çexiyada nümayəndəliyi fəaliyyət göstərir.

International Nut&Dried Fruitin məlumatına görə, dünyada fındıq istehsalının 4%-i Azərbaycanın payına düşür. 08D