Fevralda istehlak qiymətləri 0,4% artıb

Dövlət Statistika Komitəsi fevralda 0,4% inflyasiya qeydə alıb. Yanvarda bir çox illərdə ilk dəfə deflyasiya qeydə alınmışdı: dekabrla müqayisədə istehlak qiymətləri 0,2% düşmüşdü.

DSK-da Turan-a deyiblər ki, fevral ayında ərzaq məhsullarının qiymətləri 0,8 faiz bahalaşıb, qeyri-ərzaq mallarının qiymətləri və əhaliyə göstərilən pullu xidmətlərin qiymət və tarifləri əvvəlki ayla eyni səviyyədə qalıb.  

Turan İA fevral ayında ərzaq malları bazarının monitorinqi zamanı ilkin tələbat mallarında, xüsusən yerli sitehsalda qiymət artımı qeydə alıb.

Yanvarda qarabaşaq yarmasının, mal və toyuq ətinin, yumurtanın, portağalın, bananın, çuğundurun, kartofun, qurudulmuş üzümün qiymətlərində ucuzlaşma,
uzun və yumru düyünün, qoyun ətinin, balıq məhsullarının, kolbasa məmulatlarının, kərə yağının, zeytun və günəbaxan yağlarının, limonun, naringinin, almanın, armudun, heyvanın, narın, qozun, fındığın, şabalıdın, göyərtinin, kələmin, kökün, soğanın, sarımsağın, şəkərin, duzun qiymətlərində isə bahalaşma müşahidə olunub.  

2013-cü ilin fevralında ölkədə inflyasiya 0,5% olub. 08D

DSK-nın məlumatına görə, fevralın 6-da bu qurumun rəhbəri Arif Vəliyevin BVF nümayəndə heyətinin rəhbəri cənab Raca Almarzogi ilə görüşündə bu il ölkədə inflyasiya məsələsi də müzakirə edilib. Hökumət 2014-cü ildə 3,5% inflyasiya proqnozlaşdırır. Ötən il rəsmi inflyasiya 2,2% olub.