Gələn il üçün iş vaxtı norması və istehsalat təqvimi təsdiqlənib.
Əmək və əhalinin sosial müdafiəsi nazirinin əmrinə əsasən bu göstəricilər hüquqi statusundan asılı olmayaraq bütün müəssisə, idarə və təşkilatlarda əmək qanunları məcəlləsinin tələblərinə uyğundur.
Beləliklə, qeyri-iş günləri bunlardır: 1-2 yanvar, 20 yanvar, 8 mart, 20-24 mart, 9 və 28 may, 15 və 26 iyun, 6-7 iyul, 12-13 sentyabr, 9 noyabr və 31 dekabr. Bayram günlərinin istirahət günlərinə düşməsilə əlaqədar həftədə 5 gün çalışanlar üçün 25 mart, 30 may, 27 iyun, həftədə 6 gün çalışanlar üçün 25 mart və 27 iyun qeyri-iş günləri elan edilib.
Əmək norması həftədə 40 saat və ya gündə 8 saat həddində müəyyən edilib. Əmək Məcəlləsinə uyğun olaraq bayramqabağı günlərdə iş saatı norması 1 saat azaldılır.
Gələn il uzun il olacaq və 366 təqvim günündən ibarətdir. Bunun 243-ü iş günüdür.--17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz