Frontera Resources (ABŞ) şirkəti Mtsare Xevi (Şərqi Gürcüstan) yatağında 42 mlrd. Kubmetr həcmində təbii qaz ehtiyatları aşkar edib.
“Bu yataqda 42 mlrd. kubmetrdən çox həcmdə qaz ehtiyatları olduğu müəyyən edilib ki, bu da Gürcüstanın enerji asılılığından azad olmasını təmin etməyə imkan verəcək”, deyə cümə günü Frontera Resources prezidenti Stiv Nikandros bu yataqdan qazın ölkənin qaz şəbəkəsinə nəqlinin başlanğıcı mərasimində bildirib.
Layihəyə 400 mln. dollar yatırılıb. Frontera eastern Georgia şirkətinin icraçı direktoru Georgi Zambaxidzenin sözlərinə görə, Mtsare Xevi yatağından gündəlik 75 min kubmetrdən çox qaz nəql olunacaq.
Gürcüstan hər il təxminən 2 mlrd. kubmetr qaz alır. Ölkə bu həcmin təxminən yarısını Azərbaycandan imtiyazlı qiymətlərlə alır.
Gürcüstan Rusiya qazının Ermənistana tranzitinə görə ümumi nəqlin 10%-i həcmində qaz alır.
Azərbaycandan Gürcüstana qaz iki müqavilə üzrə daxil olur. Birinci müqaviləyə əsasən, 189 dollardan 500 mln. kubmetr qaz daxil olur. Bu “sosial qaz” əhali üçün nəzərdə tutulub.
İkinci müqavilə üzrə 1 min kubmetri 240 dollardan 400 mln. kubmetr həcmində ticari qaz daxil olur. -02D-
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz