CentralPark otelində «Təbii ehtiyatları zəngin olan ölkələrdə hasilat problemi» beynəlxalq konfransı keçirilib. Tədbir «Hasilat sənayesində şəffaflığın artırılması» layihəsi çərçivəsində baş tutub.
Neftçilərin Hüquqlarının Müdafiəsi Cəmiyyətinin sədri Mirvari Qəhrəmanlının sözlərinə görə, Azərbaycan qanunvericiliyinə əsasən, yeraltı sərvətlər xalqa məxsusdur, ona görə hökumət cəmiyyətə hesabat verməlidir. Amma bu tələbə əməl edilmir, çünki çünki təbii ehtiyatları offşor zonalardakı özəl şirkətlər satır. «Azərbaycan 2003-cü ildən EITI üzvüdür. 2011-ci ildə şəffaflığın yeni dünya standartları qəbul edilib. Amma ölkə parlamenti şirkətlərin səhmdarları haqqında informasiya əldə edilməsinə məhdudiyyət qoyub.
Konfrans iştirakçıları parlamentə tövsiyə edib ki, «Şəffaflıq təşəbbüsü haqqında» qanun qəbul etsin. Maliyyə intizamı pozuntusu ilə yanaşı cəmiyyətə informasiya verməkdən imtinaya görə, məsuliyyət nəzərdə tutulsun. İştirakçıların fikrincə, burda təmsil olunan QHT-lərin statusu dəqiq müəyyən edilməlidir.
Bundan başqa, narahatlıq doğuran bir sıra məqamlar var:
- Hasilata cəlb edilən özəl şirkətlər tam auditdən keçmir. EITI tələbe dir ki, yeni dünya standartına uyğun hesabatlar verilsin.
- Dövlət təşkilatlarının hesabatlılığı da yeni qaydalar tələb edir..
- Hasilat şirkətləri ekoloji normaları və sosial məsuliyyət tələblərini nəzərə almır.
Tövsiyələr hazırlanarkən dünya təcrübəsi nəzərə alınıb. --17D—
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz