Tarif Şurasının qərarı ilə 3 dekabr 2013-cü ildən benzin və dizel yanacağının pərakəndə, bir sıra neft məhsullarının topdansatış qiymətlərini artırılıb.
Tarif Şurası Dövlət Neft Şirkətinin müraciəti əsasında Aİ-95 benzininin qiymətini 1 litr üçün 80 qəpik (əvvəl 0,60 idi), Aİ-92 və Aİ-80 benzininin qiymətini 1 litr üçün 70 qəpik (əvvəl 0,55), dizel yanacağının qiymətini 1 litr üçün 60 qəpik (əvvəl 0,45) təyin edib. Qiymətlər dekabrın 3-dən qüvvədədir.
Bundan başqa, Şuranın qərarı ilə kimya, alüminium, dağ-mədən filizi əsasında poladəritmə, həmçinin elektrik enerjisi istehsalı müəssisələrinə təbii qazın satışı tarifi isə hər 1000 kubmetr üçün 80 manat səviyyəsində təsdiq edilib.
Qeyd edək ki, son dəfə ölkədə neft məhsullarının qiyməti 2007-ci ilin yanvarında artıb.
Ekspertlər bildirir ki, artım gələn ilin büdcəsinin 2 mlrd manat kəsirlə proqnozlaşdırılması ilə bağlıdır. Neftin bahalanması bütün mal və xidmətlərin bahalanması ilə nəticələnəcək. Bu isə vergi artımı və büdcə kəsirinin azalması ilə nəticələnəcək. Hökumət bu ili, yəqin ki, büdcə profisiti ilə başa vuracaq. Qalıqlardan 2014-cü ilin kəsirini ödəmək üçün istifadə olunacaq. –12В--
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz