![Hökumət əhalini təşvişə sürükləyir](https://turan.az/resized/media/2015/main/122100141048-750-500-resize.webp)
Hökumət əhalini təşvişə sürükləyir
Əgər məzənnəni Mərkəzi bank istədiyi kimi müəyyənləşdirirsə, bunu niyə "üzən məzənnə" adlandırırlar?, - deyə İqtisadi Təşəbbüslərə Yardım Mərkəzinin sədri Azər Mehdiyev bildirir.
Bu gün AMB manatın "üzən məzənnə"sini elan edib və dollara nisbətdə manatın məzənnəsini 1,55 müəyyən edib. “Amma heç bir izahat yoxdur ki, niyə 1.15 yaxud 1.35 yox, məhz 1.55. Bu məzənnə hardan ortaya çıxdı? Kim hesabladı?”, -deyə iqtisadçı soruşur. Mehdiyevin sözlərinə görə, Demirsiniz ki, "üzən məzənnə" tənzimləmədən imtina deməkdir. Elə isə manatın "cilov"u buraxılmalıdır ki, özü tədricən məzənnəsini tapsın.
«Biz, müstəqil ekspertlər fevraldan əvvəl demişdik ki, manatın devalvasiyası labüddür. Neft gəlirləri azaldıqcar manatın devalvasiyasının qaçılmaz olduğunu söyləyəndə hökumət onları "əhali arasında panika yaymaqda" suçlayırdı. Hətta fevral dvalvasiyasından sonra da manatın məzənnəsinin 1.05 səviyyəsində saxlanılmasının başa düşülən olmadığını dəfələrlə bildirmişik. Mərkəzi Bank və hökumət isə israrla bildirirdi ki, hər şey nəzarət altındadır, heç bir devalvasiya olmayacaq», deyə iqtisadçı qeyd edir.
Əslində əhalini təşvişə sürükləyən kimdir?
«Bəli, devalvasiya labüd idi. Amma bu səviyyədə yox. Amma bu qərar bir daha göstərdi ki, hökumət komandasının fəaliyyəti proqnoza gəlmir... ».
Mehdiyev qeyd edir ki, ABŞ-da FES uçot dərəcəsini qaldırmağa hazırlaşdığını tam 1 il əvvəldən bəyan edir, araşdırmalar və müzakirələr aparır və cəmiyyəti buna hazırlayır. Uçot dərəcəsinin qaldırılması isə tədricən, addım-addım, məqsədyönlü şəkildə həyata keçirilir. Heç bir panikaya imkan verilmir. Buna cəmiyyəti idarə etmək deyirlər. Azərbaycanda isə hökumət gizli siyasət yürüdür və qəfil qərar qəbul edir. 08D
-
- İqtisadiyyat
- 21 Dekabr 2015 15:22
-
- Cəmiyyət
- 21 Dekabr 2015 15:52
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz