Sentyabrın 5-dən Azərbaycanda mis ixracına malın gömrük dəyərinin 10%-i səviyyəsində gömrük rüsumu tətbiq ediləcək. Bir tona görə rüsumun məbləği 300 ABŞ dollarından az olmayacaq. Avqustun 2-də Nazirlər Kabineti bununla bağlı qərar qəbul edib.
Sənəddə (http://goo.gl/C0um5m) qeyd olunur ki, rüsum saflaşdırılmamış və saflaşdırılmış mis, onun müxtəlif ərintilərinə və qırıntılarına tətbiq ediləcək.
Müxtəlif növ metalların ixracına gömrük rüsumu 2011-ci ildən tətbiq edilir. Rüsumun məbləği bir tona görə qara metallar üçüm 5-7 dollar, mis və alüminium üçüm 15 dollar təşkil edir. Beləliklə, mis ixracına görə rüsum 20 dəfə artırılıb.
Hökumətin qərarında bu qərarın qəbulunun səbəbləri göstərilməyib. Yalnız qeyd edilib ki, qərarın qəbulunda İqtisadiyyat Nazirliyinin təklifləri nəzərə alınıb.
Azərbaycanda əsas mis ixracatçısı Anglo-Asian Mining Company-dir. Şirkət ölkənin qərbində “Gədəbəy” və “Qoşa” yataqlarında qızıl hasilatı ilə məşğul olur.
2015-ci ildə Azərbaycan ümumi məbləği $7 mln. 385 min həcmində 5 min 95 ton mis ixrac edib. Malın orta ixrac qiyməti bir tona görə $1450 təşkil edib. Ötən il misin dünya birja qiyməti $4 mindən az olmayıb. 08ED
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz