![Holcim-Azerbaycan ASC-nin maliyyə göstəriciləri kəskin pisləşib](https://turan.az/resized/750/500/resize/media/2016/main/042000153508.jpg)
Holcim-Azerbaycan ASC-nin maliyyə göstəriciləri kəskin pisləşib
Holcim (Azerbaycan) ASC 2015-ci il üçün auditor rəyi ilə təsdiq edilmiş maliyyə hesabatını açıqlayıb. Audit rəyini Ernst & Young Holdings (CIS) B.V şirkəti verib.
Hesabata əsasən, iki illik yüksək dividend siyasətindən sonra şirkət 99,1 mln manat ziyanla işləyib. Halbuki 2014-cü ildə şirkətin xalis mənfəəti 39,7 mln manat olub.
Ziyanın əsas hissəsi (89,7 mln manat) məzənnə fərqinin nəticəsində yaranıb. Bunun necə baş verdiyi açıqlanmır. Şirkət xammalın əsas hissəsini ölkədə alır, hazır məhsulu da ölkədə satır.
2015-ci ildə zavodun satış həcmi 50 mln manat və ya 37% azalaraq 84,6 mln manat olub. Məhsulun maya dəyəri ilə bağlı xərclər isə (51,4 mln manat) cəmi 5 mln manat azalıb.
2015-ci ildə şirkət naməlum səbəbdən inzibati xərcləri (43,6 mln manat) 31 mln manat artırıb.
Maliyyə hesabatına əsasən ehtimal etmək olar ki, Holcim (Azerbaycan) ASC 2015-ci ildə əsas səhmdarlarından müəyyən qədər kredit alıb. İl ərzində SC ilə bağlı şirkətlrədən alınan uzunmüddətli kreditlərin həcmi 69,4 mln-dan 167,5 mln manata, qısamüddətli kreditlər 15,3 mln-dan 27,6 mln manata artıb.
Holcim (Azerbaycan) ASC üzərində LafargeHolcim (66%) şirkəti nəzarət edir. AYİB Qaradağ sement zavodunda 10% səhm sahibidir. 08D
-
- Sual-cavab
- 20 Aprel 2016 13:46
-
- Cəmiyyət
- 20 Aprel 2016 14:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz