I rübdə büdcə xərclərinin dörddə üçün investisiya layihələrinə gedib

Bu ilin I rübündə büdcə mədaxilinin yarıdan çoxu (52,3% və ya 2 mlrd. 342,6 mln manat) ARDNF-dən transfertlər olub. Vergilər Nazirliyini xətti ilə büdcəyə 1 mlrd 482,7 mln manat, Gömrük Komitəsinin xətti ilə 330,4 mln manat daxil olub.

Dövlət büdcəsinin gəlirləri 4 482,7 mln manat, xərcləri 4 374,3 mln manat olub deyə vergilər naziri Fazil Məmmədov hökumətin iclasında bildirib.

Xərclərin çoxu (3 125,9 mln manat və ya 71,5%) əsas kapitala (investisiya layihələri, texnologiya və avadanlıq alnması) qoyulub. Xərclərin beşdə biri (954 mln manat) sosial yönümlü: maaş, pensiya, müavinət olub. Bu göstərici ötən il 1 mlrd 164 mln manat.

Göründüyü kimi, hökumət investisiya aktivliyini artırır və büdcə vəsaitlərinin ¾-ü tikintiyə yönləndirib. Müstəqil ekspertlər bu vəsaitlərin qeyri-şəffaf və səmərəsiz xərcləndiyini bildirir. Məsələn, Qusardakı dağ-xizək kompleksinə hökumət $1,5 mlrd ayırıb.

Nazirin sözlərinə görə, ümumi daxili məhsul istehsalı 13 mlrd 150,7 mln manat olub. Bunun 54,8%-i qeyri-neft sektorunun payına düşür. Nazir əhalinin real gəlirlərinin artdığını qeyd edib (ildə +4,5%). Ama o, avrlılarla kasıblar arasında maaşların böyük fərqindən danışmayıb.

Sahibkarlığa Kömək Milli Fondu xüsusi vurğulanıb. SKMF I rübdə aqrar-sənaye kompleksinə 44,7 mln manat ayırıb. Bunun hesabına 2,4 min yeni iş yerləri açılıb, deyə o bildirib.

Regionlarda 100-ə yaxın sənaye və kənd təsərrüfatı müəssisəsi işə başlayıb. 500  obyektin tikintisi davam edir.

Məmmdəov vergiödəyicilərinin elektron qeydiyyatı və rüsumların ödənişini qeyd edib. 
İqtisadçı Qubad İbadoğlunun sözlərinə görə, hökumətin hesabatı formal xarakter daşıyır. Arar-sənaye kompleksinin potensialı hətta 20% istifadə edilmir, səbə kəndlilərin əsas hissəsinin bu seqmentin inkişafında marağının olmamasıdır. Əsas problem investisiya layihələrinə artan büdcə sərmayələridir, - deyə alim bildirib.

Turan ekspertlərinin fikrincə, Avropa Olimpiya Oyunlarının yaxınlaşması ilə bağlı investisiya layihələrinə xərclər artacaq, dövlət büdcəsinin xərclərinin əsas hissəsinə çevriləcək. --17D—