İcbari sığorta «Azərbaycan Sənaye Sığorta»nı gücləndirir
«Azərbaycan Sənaye Sığorta» şirkəti ötən il 7 mln 813,67 min manat mükafat toplayıb. Bu, 2011-ci ildəkindən 1,2 mln (14,4%) çoxdur. Könüllü növlər üzrə ötən 5,9 mln manat toplanıb. Bu, ümumi mükafatların 75,6%-dir (bir il öncə 91,8% idi).
Əsas növlər üzrə mükafatlar belə bölünüb: birinci yerdə yük sığortasıdır – 2 mln 333,39 min manat. Əmlakın yanğından və başqa risklərdən sığortası üzrə bir neçə ildir artım olur. İndi bu növ üzrə 1 mln 776,75 min manat yığılıb.
Ardınca könüllü tibbi sığorta (KTS) – 783,48 min manat, avtomobillərin КАСКО sığortası – 309,54 min manat, bədbəxt hadisə və xəstəliklərdən sığorta gəlir - 65 min manat.
İşə götürənlərin məsuliyyətinin sığortası şirkətə 82,43 min manat, avtonəqliyyat vasitələri sahiblərinin mülki məsuliyyətinin sığortası 76,69 min manat, kredit sığortası 42,8 min manat, ümumi mülki məsuliyyətin sığortası 45,32 min manat gətirib.
Şirkətin icbari növlər üzrə mükafatları 1,9 mln manat olub. İcbari Sığorta Bürosuna üzvlük sayəsində onlar 3 dəfə artıb.
Şirkətin ödənişləri 1,8 mln manatdan 1,63 mln manata düşüb. Könüllü növlər üzrə ödənişlər 1,61 mln manat olub. "Azərbaycan Sənaye Sığorta" 1996-cı ildən fəaliyyət göstərir. Təsisçiləri Azərbaycan Sənaye Bankı və «Anadolu Investment Kompani» MMC-dir.
2007-ci ilə kimi «CI Insurance» adlanıb. Şirkət 28 könüllü, 5 icbari sığorta növü üzrə xidmət edir. Nizamnamə kapitalı 6 mln manatdır və artırılacaq. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz