İcbari Sığorta Bürosu piyadanın ölümünə görə ödəniş edib

İcbari Sığorta Bürosu YNH ilə bağlı dördüncü ödənişi edib. Azərbaycan Respublikasının vətəndaşına ailə üzvünün Sabunçu rayonu, Zabrat qəsəbəsi ərazisində baş vermiş yol-nəqliyyat hadisəsi nəticəsində vəfat etməsi  ilə əlaqədar kompensasiya ödənişi verilib. 

Büronun məlumatına görə, “kompensasiyanın həcmi 5 min manat olub və o 29 mart 2013-cü il tarixində qeyri-nəğd üsulu ilə (poçt vasitəsilə) həyata keçirilib", Əvvəllər Büronun icraçı direktoru Elxan Quliyevə istinadən bildirilirdi ki, daha bir sıra hallar üzrə kompensasiya veriləcək və hazırda araşdırma gedir. Bunlar əsasən sağlamlığa dəyən ziyanla bağldıır. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var.  Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

Büronun təsisçisi olmaq istəyən şirkətlər üçün üzvlük haqqı 200 min manatdır. 

Əgər sığorta şirkəti icbari sığortanın bir neçə növünə dair xidmət göstərməkdə maraqlıdırsa, onda hər növə görə ayrıca depozit ödəməlidir. 

Daşınmaz əmlakın icbari sığortası üzrə bir dəfəlik depozit həcmi 100 min manat, daşınmaz əmlak sahiblərinin mülki məsuliyyətin icbari sığortası üzrə 100 min manat, avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 200 min manat, sərnişinlərin icbari sığortası üzrə 200 min manatdır. --17D—

 

Rəy yaz

İqtisadiyyat

Xankəndidə rus konsulluğu, Paşinyanın yerinə arxiyepiskopun namizədliyi, sülh çağırışları...- İlham İsmayıl Çətin sualda



Bizi sosial şəbəkələrdə izləyin

Xəbər lenti