İcbari Sığorta Bürosuna üzv olmaqdan öncə «Qarant Sığorta» ştatı genişləndirir

«Qarant Sığorta» hələ İcbari Sığorta Bürosuna üzv olmaq niyyətində deyil. Bunu gələn il edəcək. 

Şirkətin sədri Fuad Allahverdiyevin məlumatına görə, bu yaxınlarda Maliyyə Nazirliyi tövsiyə edib ki, sığorta hadisələrinin araşdırılması departamentinin ştatını artırsın, icbari sərnişin sığortası və avtonəqliyyat vasitələri sahiblərinin mülki məsuliyyətinin icbari sığortası üzrə texniki imkanları genişləndirsin. 

ZQAN Holding rəhbərliyi (onun indiki sədri Vaqif Həsənov bu yaxınlara kimi «Qarant Sığorta» İH sədri olub) deyilən departamentin ştatının 20-dən 35-40-a çatdırılmasına razılıq verib. Qəza komissarlarının sayı da artırılacaq. 

İcbari növlər üçün lisenziyanın olmaması mükafat yığımına ciddi təsir etmir, - deyə Allahverdiyev düşünür. Bu, AVSMMİS üzrə “köhnə” müştəri bazası ilə bağlıdır – törəmə sığorta agentliyi ayrıca hüquqi şəxs kimi müştərilərə sığorta polisi satır. 

Qarant Sığorta, yəqin, Büroya üzv olanda icbari sərnişin sığortası ilə məşğul olmayacaq, hərçənd nəqliyyat nazirinin müəssisəsindən bunu gözləyirdilər. Hətta icbari növlərsiz şirkət ilin sonuna kimi 9-10 mln toplaya bilər. 

Turan məlumat vermişdi ki, yanvar-iyulda şirkətin mükafatları 5 mln 820,68 min manat olub. Bu, ötən ilin eyni dövründəkindən üçdə iki çoxdur. Bütün mükafatlar könüllü növlər üzrədir – yanqından sığorta, КАСКО, KTS və s. 

Onun sözlərinə görə, mükafatların 80%-i korporativ müştərilər təmin edib. "Fiziki və korporativ müştərilərlə əməkdaşlığın genişlənməsinə böyük diqqət yetiririk. Yeni məhsul xətləri hazırlayırıq. Onları müştərilərə tezliklə təqdim edəcəyik", - deyə o qeyd edib. 7 ayda şirkət 857 min 404,57 manat ödəniş edib. Bu, ötən ilkindən 2 dəfədən çox artıqdır. 

İcbari Sığorta Bürosuna üzvlüklə bağlı o deyib ki, bu, texniki problemlərlə əlaqədardır. “Əminəm ki, Büroya üzv olacağıq. Xüsusi kapitalı zəruri səviyyəyə qaldırmaq və filial şəbəkəsini genişləndirmək vəzifəmiz var. Bunları yerinə yetirəcəyik”, - deyə o bildirib. 

“Qarant Sığorta” sığorta fəaliyyəti ilə 2008-ci ilin I rübündən məşğul olur. Şirkət 18 könüllü, 4 icbari növ üzrə xidmət göstərir. Bu gün üçün şirkətin nizamnamə kapitalı 4 mln manatdır. Şirkətin sahibi «ZQAN Holdinq»dir. --17D— 

 

Rəy yaz

İqtisadiyyat

Встреча в Мюнхене, президентские выборы и санкции ПАСЕ: Беседа с британским экспертом Томасом де Ваалом в "Çətin sual"



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti