![Erdoğan Bakıya gəlir](https://turan.az/resized/media/2012/main/083000009313-750-500-resize.webp)
Sentyabrın 11-də Azərbaycan-Türkiyə Strateji Əməkdaşlıq Şurasının ikinci iclası keçiriləcək, bu barədə Türkiyə mənbələri xəbər yayıb. Bu məqsədlə Türkiyə baş naziri Recep Tayip Erdoğanın rəhbərlik etdiyi hökumət və işgüzar dairələrin nümayəndələrindən ibarət böyük bir nümayəndə heyəti Bakıya gələcək.
Azərbaycan və Türkiyə arasında Strateji Əməkdaşlıq Şurasının yaradılması haqqında bəyannamə 15 sentyabr 2010-cu ildə İstanbulda prezident İlham Əliyev və baş nazir Recep Tayip Erdoğan tərəfindən imzalanıb.
Erdoğanın səfəri “Bir millət – iki dövlət” şüarı altında Azərbaycan-Türkiyə münasibətlərinin inkişafına yeni təkan verəcək. Şura hərbi, siyasi, iqtisadi, ticari, mədəni əməkdaşlıq istiqamətlərində birgə addımlar müəyyən etməlidir. Əliyev və Erdoğan 25 oktyabr 2011-ci ildə Şuranın İzmirdə keçirilən ilk iclasında bu istiqamətləri dərindən təhlil ediblər.
Tərəflərin regional məsələlər üzrə, xüsusən Ermənistan və Qarabağ münaqişəsi üzrə fəaliyyətin əlaqələndirilməsinə xüsusi diqqət yetirəcəyini gözləmək olar.
Ankaranın geosiyasi çəkisinin artdığı və keçmiş Osmanlı imperiyası məkanında – Şimali Afrikadan Yaxın Şərqə qədər xalq iğtişaşları şəraitində Erdoğanın səfəri Əliyevin regional aləmdə fəaliyyətinə daha çox əminlik verəcək.
İlk İzmir sammiti qaz müqaviləsinin imzalanması ilə yadda qalıb. Bakı uzun müddət düşündükdən sonra “Şahdəniz” yatağından qazın Avropaya Türkiyə vasitəsilə nəqli haqqında qərar qəbul edib. Həmçinin, Türkiyə tarixində ən böyük xarici investisiyalar haqqında saziş imzalanıb – Azərbaycan İzmir sahilində 5 mlrd. dollar dəyərində neft-kimya kompleksi tikəcək.
Amma bütün bunlara baxmayaraq, iki ölkə arasında qarşılıqlı münasibətlərdə çətinliklər qalmaqdadır. Türkiyənin böyük kapitalı hələ də Azərbaycana tələsmir. Bunun səbəbi Azərbaycanda inhisar və geniş miqyaslı korrupsiya olmasıdır. Azərbaycanda işləyən biznesmenlərin şikayətləri bitmək bilmir.
Viza rejiminin ləğvi məsələsi də Azərbaycan-Türkiyə münasibətlərində müzakirə olunan mövzulardan biridir. Rəsmi Bakı Tehranın mənfi reaksiyasından ehtiyatlanaraq, Türkiyə vətəndaşları üçün viza rejimini ləğv etmək istəmir. -0-
-
- Cəmiyyət
- 30 Avqust 2012 17:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz