Sakinlər mənzil maxinasiyası ilə üzləşiblər
Xətai rayonu, Cavanşir küçəsi 38-də yerləşən yataqxananın bir qrup sakini cümə axşamı Beynəlxalq Mətbuat Mərkəzində mənzil maxinasiyası ilə üzləşmələrinə dair mətbuat konfransı keçirib.
Hüquq müdafiəçisi Ələkbər Məmmədov Hacı Zeynalabdin Tağıyev kombinatına məxsus bu 5 mərtəbəli yataqxanada 180 ailənin orderlə, daha 12 qaçqın ailəsinin isə ordersiz yaşadığını bildirib. 2000-ci ildə baş vermiş zəlzələdən sonra yataqxana qəzalı duruma düşüb. Bununla bağlı sakinlər Bakı meriyasına müraciət ediblər, Bakı meriyası durumla bağlı Nazirlər Kabinetinə müraciət ünvanlayıb. Baş nazirin müavini Abid Şərifovun imzası ilə Bakı meriyasına sakinləri köçürmək üçün yeni mənzil tikintisi başlamaq qərarı verilib. Bakı meriyası 2004-cü ildə Sadıqcan küçəsində sakinlər üçün bina tikilməsinə 40 sot torpaq sahəsi ayırıb.
Bakı meriyasının tövsiyəsi ilə sakinlər öz aralarından 5 nəfər olmaqla “Ümid” tikinti kooperativi təsis ediblər. 2008-ci ildən tikinti işlərinə başlanılıb. 2012-ci ilin mayında hər biri 18 mərtəbə olmaqla 432 mənzillik iki bina tikilib istifadəyə verilib. Sənədlərə görə, binanın maliyyə işlərini “Oğuz”, “Aqora” və “Beta-Layn” şirkətləri həyata keçiriblər. Amma tikinti başlayanda bu şirkətlər “Ümid” tikinti şirkətinin sakinlərdən ibarət nümayəndələrini adi üzvlüyə endirməklə öz adamlarını səlahiyyətli ediblər. Tədbirə qatılan sakinlər indiyə kimi yeni təsisçiləri və şirkətlərin rəhbərlərini əyani tanımadıqlarını deyiblər. Sakinlərə adları çəkilən üç şirkətin arxasında isə qeyri-rəsmi olaraq Beynəlxalq Bankın rəhbəri Cahangir Hacıyevin durduğu bildirilib.
Bu ilin mayında 160 ailədən 80 ailəyə həmin binalarda mənzil verilib, qalan 80 ailəyə və əlavə olaraq 12 qaçqın ailəsinə mənzil verilməyib. Yataqxanadakı ailələrə verilən mənzillər 40-45 kvadrat metr, satlıq mənzillər isə 60 kvadrat metr sahəsində olub.
Mənzil ala bilməyən qalan 80 ailənin nümayəndələri mənzil üçün müraciət etdikdə mənzillərin artıq satıldığı bildirilib. Sakinlərdən biri mənzillər verilən zaman onların bir qisminə kommunal xətlər çəkilişilə bağlı Bakı meriyasına ünvanlanacaq kağızlara imza atdırıblar. Sonradan məlum olub ki, bu kağızlar sakinlərin yataqxanada qalmaq istəmələri və yeni mənzil almaqdan imtina etmələri məzmunlu olub.
Mətbuat konfransında sakinlər baş nazirin müavini Abid Şərifovun qəzalı yataqxanada təmir-bərpa işləri aparılması, maliyyə vəsaiti ayrılması haqda maliyyə nazirliyinə göstəriş verdiyini deyiblər. Bu yaxın günlərdə yataqxanada mətbəxlərin biri çöküb, Fövqəladə Hallar Nazirliyinin əməkdaşları hadisə yerinə gələrək binanın qəzalı olması olması haqda arayış hazırlayıb. Buna baxmayaraq, qalan 80 ailənin yeni mənzillərə köçürülməsi məsələsi həllini tapmayıb.
Son olaraq, sakinlər mətbuat nümayəndələrinə bu haqsızlığa etiraz olaraq sentyabrın 4-də Prezident Administrasiyası önündə aksiya keçirməyə hazırlaşdıqlarını bildiriblər. -05C-
-
- Siyasət
- 30 Avqust 2012 17:05
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz