Ə.Oruclu: Rusiya qoşunlarının Dağıstana cəmlənməsi böyük təbliğat zəncirinin bir halqasıdır

Son günlər Dağıstandan Gürcüstan və Azərbaycan sərhədləri yaxınlığında Rusiya qoşunlarının və texnikasının cəmlənməsi haqqında qeyri-rəsmi məlumatlar daxil olmağa davam edir. Dağıstanın Botlix və Dido rayonlarına canlı qüvvə və zirehli texnika kontingentinin yerləşdirildiyi bildirilir.

Ən maraqlısı budur ki, Rusiya rəsmi qurumları bu məlumatları təkzib etmir. 

Bu arada, avqustun 29-da Gürcüstan hərbiçiləri Dağıstandan keçən və şərqi Gürcüstandan əsir götürən bir qrup döyüşçü ilə qarşıdurma yaşayıblar. Əməliyyat zamanı Şimali Qafqazdan keçən, vəhhabi olduğu ehtimal olunan 11 döyüşçü qətlə yetirilib.

Ekspertlərin fikrincə, döyüşçülər Gürcüstana Rusiya hərbiçiləri tərəfindən göndərilmiş ola bilər.

“Lakin bu proses birmənalı xarakter daşımır. Bu hərbi əməliyyatın məqsədi məhz döyüşçülərin Gürcüstana və Azərbaycana göndərilməsidir. Bu döyüşçülər arasında çox sayda Rusiya casusları var və həmsərhəd ölkələrin ərazisinə keçdikdə onlar stabilliyi poza bilərlər və eyni zamanda Rusiyanın müvafiq qurumlarının nəzarətində olacaqlar”. Bu fikri Turan-a müsahibəsində ekspert Ərəstun Oruclu hazırki vəziyyətdə Moskvanın mümkün səbəblərini şərh edərkən bildirib. 

Kreml müntəzəm olaraq, Şimali Qafqazda başqasının nüfuzuna dözməyəcəyinə işarə etməyə çalışır.

Bu yaxınlarda Xasavyurtdakı məsciddə şiələrin güllələnməsi Bakıya Dağıstandakı şiələr üzərində təsirini artırmağa çalışmamaq siqnalıdır. Bu aksiya Bakıda şeyx Allahşükür Paşazadənin liderliyini qəbul edən və Azərbaycanı Qafqazın dini mərkəzi olaraq görən Şimali Qafqaz dini liderlərinin görüşündən dərhal sonra baş tutdu. 

“Buna görə yaxın günlərdə Azərbaycana da bir qrup döyüşçü keçməsini və onların Dağıstanla həmsərhəd rayonlarda sabitliyi pozmaq cəhdlərini gözləmək olar”, deyə Oruclu qeyd edib.

Rusiya payızda Şimali Qafqazda, işğal edilmiş Abxaziya və Cənubi Osetiyada geniş miqyaslı hərbi təlimlər keçirməyə hazırlaşır. Lakin artıq indidən qoşunlar və texnika cəmlənir. Buna görə Azərbaycan və Gürcüstanla sərhəd ərazilərdə təbliğatların uzunmüddətli olacağını gözləmək olar, ekspert belə hesab edir. -02В-