İcbari Sığorta Bürosunun ödənişi

İcbari Sığorta Bürosu vətəndaşın yol-nəqliyyat hadisəsi nəticəsində həlak olması ilə əlaqədar 5 min manat məbləğində kompensasiya ödənişi edib. 

Büronun press-relizinə görə (http://isb.az/index.php?option=com_content&view=article&id=107%3Acbari-sorta-buerosu-trfindn-17052013-cue-il-tarixind-10-cu-kompensasiya-oednii-hyata-kecirilmidir&catid=2%3A2011-11-10-08-59-24&Itemid=5&lang=az), hadisə Z.Bünyadov prospektində  baş verib. 

"Kompensasiya ödənişi 17 may 2013-cü il tarixində qeyri-nəğd üsulu ilə (poçt vasitəsilə) həyata keçirilib”, - deyə məlumatda bildirilir. Bu, Büronun artıq 7-ci kompensasiyasıdır. 

1 yanvar 2013-cü il üçün Büronun maliyyə ehtiyatı 4 mln 88,67 min manat təşkil edib. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var: “Azərsıgorta”, AXA MBASK, “Atəşhgah”, “Xalq Sıgorta”, “Standard İnsurance”, “Paşa Sıgorta”, “AzSıgorta”, “Meqa Sıgorta”, “Ata Sıgorta”, “İpək Yolu Sigorta” və  “Azərbaycan Sənaye Sigorta”.  

  Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. --17D—