İlin əvvəlindən şirkətlər 211,5 mln manat cəlb edib

yanvar-fevralda yerli şirkətlər nizamnamə kapitalını artırmaq üçün kapital bazarından 211,5 mln manat cəlb edib. Bu, korporativ qitiqrazlar hesabına cəlb ediləndən 9 dəfə çoxdur.

Bakı Fond Birjasından verilən məlumata görə, səhm yerləşdirilməsi sektorunun əsas fiquru «Azərbaycan Beynəlxalq Bankı» ASC (110,8 mln manat) və «Kapital Bank»dır (70 mln manat). İki ayda cəlb edilənlərin 85%-i onların payına düşür.

“AtaHolding” ASC fevralda nizamnamə kapitalını 2,5 mln manat artırıb. Bunun  2,4 mln-u “Atasığorta” ASC-nin nizamnamə kapitalının 10 mln manata qaldırılmasına yönəldilib.

Ötən ay “Atrabank”, “Günaybank” və “Əmrahbank” səhmdarları öz şirkətlərinin nizamnamə kapitalına 25,7 mln manat yönəldib.  

Korporativ istiqrazlar bazarında 4 maliyyə təşkilatının qiymətli kağızları yerləşdirilib (“Finanslizinq”, “Joint Lizinq Kompani” “Kredit House” və “Parabank”) və bir sənaye-tikinti şirkətidir (“Akkord” ASC). Bu QK-lar üzrə dərəcələr illik 8-15%-dir.

QK bazarında banklar və sığorta şirkətləri aktivlik göstərir. Mütəxəssislər bunu kapitalın cəlb edilən depozitə adekvatlığı zərurəti, nizamnamə kapitalının minimal səviyyəsinə tələblə əlaqələndirirlər. Digər şirkətlər kapital bazarına praktik olaraq müraciət etmir. 08B