![Açiq mənbələrdən foto.](https://turan.az/resized/media/2022/main/022200045002-750-500-resize.webp)
Açiq mənbələrdən foto.
İnflyasiyanı cilovlamaq üçün qısamüddətli “yol xəritəsi” qəbul edilib
Bakı/22.02.22/Turan: Fevralın 21-də Nazirlər Kabineti “Antiinflyasiya tədbirlərinin gücləndirilməsi ilə bağlı təxirəsalınmaz tədbirlər haqqında” qərar qəbul edib. Sənəd inflyasiyanın iqtisadi fəallığa və əhalinin sosial rifahına təsirini minimuma endirmək məqsədi ilə qiymətlərin bazar prinsipləri əsasında müəyyənləşdirilməsi öhdəliyi ilə qəbul edilib.
İqtisadiyyat Nazirliyinə minimum istehlak səbətinə daxil olan ərzaq məhsullarının yerli istehsalçılarının stimullaşdırılması ilə bağlı tədbirlər görmək və hər ay hökumətə hesabat vermək tapşırılıb. Əsas ərzaq məhsullarının tədarükü və emalı ilə məşğul olan sahibkarlar üçün güzəştli maliyyələşdirmə alətləri ilə bağlı təkliflər 15 gün müddətində təqdim edilməlidir. Həmin müddət ərzində minimum istehlak səbətinə daxil olan ərzaq məhsullarının qiymətlərinin ticarət əlavələri hesabına sabitləşdirilməsi ilə bağlı təkliflər Nazirlər Kabinetinə təqdim edilməlidir.
Yuxarıda göstərilən məhsullara, habelə onların istehsalı üçün istifadə olunan aralıq mallara güzəştli idxal gömrük rüsumlarının və ƏDV-nin cəlb edilməsi nəzərdə tutulur. Müvafiq təkliflər 15 gün müddətində Dövlət Gömrük Komitəsi tərəfindən hazırlanacaq. Dövlət Gömrük Komitəsi həmçinin malların saxlanması, yüklənməsi və boşaldılması tariflərini optimallaşdıracaq. Ölkə əazisində kənd təsərrüfatı və ərzaq məhsullarının daşınması və logistika xərclərinin azaldılması istiqamətində tədbirlərin görülməsi ilə bağlı da tapşırıqlar verilib.
Dövlət Ehtiyatları Agentliyinə Kənd təsərrüfatı və İqtisadiyyat nazirlikləri ilə birlikdə dünyadakı ərzaq bazarında vəziyyəti nəzərə almaqla strateji məhsulların ehtiyatı ilə bağlı təkliflərini Nazirlər Kabinetinə təqdim etmək tapşırılıb.
Bu ilin yanvar ayında Azərbaycanda inflyasiya illik ifadədə 12,5% təşkil edib. Bu dövrdə ərzaq qiymətləri 17,5% bahalaşıb. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz