Qiymətli Kağızlar üzrə Dövlət Komitəsi 2013-cü ilin ilk rübündə Azərbaycanda investorların hüquqlarının pozulması statistikasını açıqlayıb. Statistikaya əsasən, 333 səhmdar cəmiyyətdən şikayət daxil olub, bu da 2012-ci ilin müvafiq dövründən 2,3 dəfə çoxdur. Azərbaycanda investorların hüquqlarının pozulmasına görə simvolik cərimə sanksiyaları mövcuddur, bu da yerli korporasiyalarda neqativ qarşılıqlı münasibətləri stimullaşdırır.
Yanvar-mart aylarında QKDK-ə səhmdarların elementar hüquqlarının pozulması faktlarına dair 96 şikayət daxil olub. Ötən ilin həmin dövrü ilə müqayisədə şikayətlərin sayı iki dəfə artıb. Qiymətli kağızlar bazarına nəzarət edən dövlət orqanı 60 şirkətə inzibati cərimə sanksiyaları tətbiq edib, bu da 2012-i ilin həmin dövründə olduğundan 35% çoxdur. Cərimələrin ümumi məbləği 12 min manat təşkil edib, bu da 2012-ci ildən 32% çoxdur. Maraqlıdır ki, cərimələr investorların hüquqlarının pozulmasında bilavasitə günahkar olan məsul şəxslərə deyil, istisnasız olaraq hüquqi şəxslərə tətbiq edilir.
QKDK investorların hüquqlarının və QK bazarındakı münasibətlərə dair qanunvericiliyin digər tələblərinin pozulması faktlarına görə cərimə sanksiyalarının artırılmasını nəzərdə tutan qanun layihəsi hazırlayıb.
Ancaq İnzibati Xətalar Məcəlləsinə (İXM) dəyişikliklərin edilməsinə dair qanun layihəsi hələ də parlamentə daxil olmayıb, baxmayaraq ki, sənədin hazırladığı üç ildə İXM-ə 100-dən artıq dəyişiklik edilib.
Azərbaycanda investorlar hüquqlarının müdafiəsi üçün məhkəmə orqanlarına getdikcə daha çox müraciət edirlər. Səhmdarların sözlərinə görə, bunun effekti QKDK-ə edilən şikayətdən daha çoxdur. 08B
İqtisadiyyat
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
-
Qlobal dizel yanacaq qiymətləri və emal marjaları, ABŞ-ın Rusiya neft ticarətinə qarşı tətbiq etdiyi ən son sanksiyaların ardından kəskin artıb. Bu addım, təklifin azalacağı gözləntiləri ilə bazarlarda dalğalanmalara səbəb olub, analitiklər və LSEG məlumatları bunu təsdiq edir.
-
Azərbaycan Prezidenti İlham Əliyev cümə günü Gürcüstanın Baş naziri İrakli Kobaxidzeni qəbul edərək, Cənubi Qafqazın iki qonşu ölkəsi arasında strateji tərəfdaşlığı daha da inkişaf etdirməyə yönəlmiş yüksək səviyyəli danışıqlar aparıb.
Rəy yaz