İpotekanın verilməsi şəffaf olacaq

 Azərbaycanda “Elektron hökumət” portalında imtiyazlı ipoteka krediti almaa imkan verəcək elektron ipoteka sistemi yaradılacaq.

Ötən gün dövlət başçısı gələn iln yanvarın 1-dən qüvvəyə minəcək “İpoteka kreditləşməsinin bəzi məsələləri haqqında” fərman imzalayıb, bu tarixə qədər hazırlıq işləri aparılacaq.

Sənədə görə, əvvəl AR Mərkəzi Bankının kurasiyasında olan “Azərbaycan İpoteka Fondu” ASC-nin nizamnaməsi, həmçininonun vəsaitləri hesabına ipoteka kreditinin verilməsi qaydası təsdiqlənib.

Fərmanda qeyd olunur ki, elektron ipotekada ipoteka kreditinin alınması üçün lazım olan şərtlər və sənədlərin siyahısı barədə məlumat, ipoteka krediti alanın imkanlarının qabaqcadan hesablanması üçün ipoteka kalkulyatoru, ipoteka alanın ödəyəcəyi hər müvəkkil bankın xidmət haqqı, həmçinin hər müvəkkil qiymətləndirənin xidməthaqqı barədə məlumat olmalıdır.

Bundan əlavə, qeydiyyat və ipoteka kreditinin alınması üçün elektron müraciət və prosedurlar üçün müvafiq vaxtın müəyyən edilməsi üçün imkan verməlidir.

Bundan əlavə, sistemdə ipoteka krediti almaq üçün müraciət edən şəxs üçün elektron kabinetin yaradılması və elektron formada ödəniş üçün imkan yaradılmalıdır.

Sistemin yaradılması və onun fəaliyyətinin təminatı “Azərbaycan İpoteka Fondu” ASC-nin üzərinə qoyulub. Sistemin yaradılmasına görə məsul olanlar Nazirlər Kabineti və AR Rabitə və Yüksək Texnologiyalar Nazirliyidir. --17D—