Regionun sahibkarları və iqtisadçıları gələcəkdəki iqtisadi islahatların beyin mərkəzi olmaq şansına malikdir. Avropa standartlarına cavab verən strukturlaşma bu sahədə sürətli və səmərəli dəyişikliklərə imkan verəcək. Şaxələnmə təkcə real iqtisadiyyatın neft-qaz sahəsini keçməsinə yox, həm də biznes arealının genişlənməsinə imkan yaradacaq.
Bu barədə Avropa İttifaqının Gəncə və Şəkidə yerli QHT-lər üçün məşğələlərində Beynəlxalq Atlas İqtisadi Araşdırmalar Fondunun aparıcı mütəxəssisi “Siap Solutions Pte Ltd” şirkətinin icraçı direktoru Rayner Heyfers bildirib.
İqtisadi Asraşdırmalar Mərkəzinin sədri Qubad İbadoğlunun sözlərinə görə, strateji planlaşdırma yerli iqtisadiyyatın nailiyyətlərindən səmərəli istifadəyə imkan verərdi.
Seminarın imkanlarından 17 ixtisaslaşmış QHT-nin onlarla təmsilçisi yararlanıb. Tədbirdə iştirak etmək istəyənlər İTM-ə müraciət edə bilərlər: (+99412) 465 18 47 və ya e-mail: office@erc.az. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz