Əmlak Məsələləri Dövlət Komitəsi 2000-ci illərin sonunda Salyan Elektrik Qaynaq Avadanlıqları zavodunun bazasında yaradılan “Salyan Elektrik Qaynaq Avadanlıqları” ASC-nin səhmlərinin 99,83%-i investisiya müsabiqəsinə çıxarıb.
Ümumi nominal qiyməti 765,3 min manat olan səhmlər üçün investordan investisiya proqramı ilə yanaşı dövlət büdcəsinə 180 min manat köçürmək barədə təklif tələb edilir. İnvestor müəssisənin profilini dəyişə bilər.
Müəssisə 1988-ci ildə istismara verilib. Özəlləşməyə açılandan sonra fəaliyyətini dayandırıb. Orda 4 işçi çalışır.
Özəlləşmə haqda qanuna zidd olaraq, ƏMDK müsabiqə elanında torpaq sahəsi, qurğular barədə “Mulkiyyət” qəzetində və ya informasiya resursunda məlumat verməyib. Başqa dillərdə də informasiya yoxdur.
Buna qədər “Salyan Elektrik Qaynaq Avadanlıqları” ASC-nin səhmlərinin 30%-i pul hərraclarında təklif edilib. ƏMDK bütün səhmləri bir investora satmaq istəyir. Müəssisənin işçiləri 0,17% səhmə malikdir. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz