İsrailli sahibkar Avraam Nanikaşvili Beer-Tuviyada özəl elektrik stansiyasının tikintisi layihəsində öz payını Azərbaycan Beynəlxalq Bankına satmaq ehtimalını nəzərdən keçirir, xəbəri dekabrın 1-də The Marker nəşri yayıb.
Nəşrin qiymətləndirməsinə görə, elektrik stansiyasını tikən Triple-M Power Plants Ltd şirkətinin səhmlərinin 60%-i Nanikaşviliyə məxsusdur. Layihənin ümumi dəyəri 400 mln. dollar təşkil edir, son üç ildə Nanikaşvili və tərəfdaşları layihəyə 200 mln. dollar yatırıblar. 430 meqavatt gücü olan elektrik stansiyasının İsrailin cənubunda Beer-Tuviya sənaye bölgəsində tikiləcəyi ehtimal olunur. Bu barədə İzRus məlumat yayıb.
Bu aktiv Azərbaycan Beynəlxalq Bankının nəyinə lazımdır və neçə faiz alına bilər – mənbə bu barədə heç bir məlumat vermir. Nanikaşvilinin İsrailin Aralıq Dənizi şelfində qaz axtarışı üçün böyük vəsait yatırdığı, amma qaz tapmadığı məlumdur. -02D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz