Bakı/07.04.20/Turan: Əmək və Əhalinin Sosial Müdaiəsi Nazirliyi birdəfəlik ödəmənin təqdim edilməsi üçün işsizlərin qeydiyyatına başlayıb.
Qurumun məlumatına görə, işsizlərin qeydiyyatı istinasız olaraq elektron qaydada aparılır, çünki Məşğulluq Mərkəzinin qapısı məhdudlaşdırıcı karantin tədbirlərinə görə bağlıdır. İşsizlərin qeydiyyatı www.e-sosial.az portalı vasitəsilə həyata keçirilir. Portala daxil olmaq üçün şəxsiyyət vəsiqəsinin FİN-kodunu daxil etmək kifayətdir.
Birdəfəlik ödəmənin verilməsində ünvanlılıq prinsipi, şəxsin ailə gəlirləri nəzərə alınacaq. Bununla bağlı mexanizm hazırlanır.
Bu proses yaxın günlərdə başa çatdıqdan sonra birdəfəlik ödəmə vəsaitləri işsizlərə nağdsız qaydada, yəni bank hesablarına köçürüləcək.
İşsizlər bir aylıq yaşayış minimumu səviyyəsində - 190 manat müavinət alacaq. Müavinətlər aprel-may ayları üzrə ödəniləcək.
Aprelin 5-də Nazirlər Kabinetinin koronavirus pandemiyasının ölkə iqtisadiyyatına təsiri ilə əlaqədar təsdiqlədiyi Tədbirlər Planına əsasən, hökumət 200 min adama yardım etmək niyyətindədir.
Bu ilin martın 1-ə məşğulluq orqanlarında 90 779 min işsiz qeydiyyata alınıb. Onlardan yalnız 501-ə orta həcmi 338,9 manat təşkil edən işsizliyə görə sığorta ödəməsi təyin edilib. O vaxta Azərbaycanda rəsmi olaraq 251 min işsiz var idi.
Dünən Sumqayıtda tibbi maskalar istehsal edən müəssisənin açılışında prezident İlham Əliyev epidemiyaya qarşı tədbirlər mövzusuna toxunaraq deyib ki, iş yerlərinin bağlanmasına görə o cümlədən fərdi sahibkarlıqla məşğul olan 600 min adam zərər çəkib. 08B--
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz