2006-cı ilin fevralına kimi gənclər və idman naziri Azad Rəhimovun rəhbərlik etdiyi “İtaldizayn” QSC 2015-ci il üzrə konsolidə edilmiş maliyyə hesabatını açıqlayıb. Şirkət 1997-ci ildən bəri ilk dəfə belə addım atır.
Hesabata əsasən, 2015-ci ildə şirkətin təsərrüfat fəaliyyətindən gəlirləri 56,1 mln manat olub. Bu, əvvəlki ildəkindən 22,8% çoxdur. Xərclər (50,1 mln manat) və başqa gəlirlər nəzərə alınmaqla QSC-nin əməliyyat mənfəəti 6 mln manatdan çox olub. Amma inzibati xərclər (4,7 mln manat) iki dəfəyədək artıb.
Şirkətin balans mənfəəti 1 mln 139 min manat olub. Bu, əvvəlki ildəkindən 80 min manat azdır.
2015-ci ildə “İtaldizayn” QSC-nin təsərrüfat fəaliyyətinin rentabelliliyi 2,4% olub, Bu, əvvəlki ildəkindən 0,7% azdır.
Maliyyə axını barədə hesabata əsasən, 2015-ci ildə “İtaldizayn” QSC 4 mln 796 min manat məbləğində vergi və başqa icbari ödənişlər edib. 2014-cü ildə bu ödənişlər üzrə xərclər 914 min manat təşkil edib.
Əməkdaşlar üzrə xərclər 2015-ci ildə 1 mln 491,1 min manat (+28%) olub.
Maraqlıdır ki, ötən il şirkət mənfəət hesabına 3 mln 588 min manatdan istifadə edib, nəticədə kapitalı 509 min manat mənfi olub.
2015-ci ildə “İtaldizayn” QSC-ninaktivləri 11% artaraq 2016-ci ilin əvvəlində 13 mln manat olub.
Maliyyə hesabatına müstəqil auditor rəyi 21 sentyabrda verilib.
“İtaldizayn” QSC aparıcı dünya brendlərinin Azərbaycandakı nümayəndəsidir, eksklüziv malların satışı üzrə onlarla mağazası var. 08B
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz