İtaliya şirkətləri Sumqayıtda polipropillen zavodu tikəcək

Bakı/08.04.15/Turan: İtaliyanın “Maire Tecnimont S.p.A” qrupuna daxil olan “Tecnimont SpA" və "Kinetics Technology S.p.A (KT)" şirkətləri Azərbaycanda polipropilen istehsalı üzrə zavod tikəcəklər.

Müqavilənin ümumi dəyəri 350 mln avroya yaxındır. Zavod Sumqayıt Kimya Sənaye Parkında olacaq.

“SOCAR Polymer” şirkəti "Tecnimont SpA" və "KT" şirkətləri ilə Sumqayıt Kimya Sənaye Parkında polipropilen istehsalı üzrə zavodun layihələndirilməsi və tikintisi müqaviləsinin (Engineering, Procurement and Construction, EPC) reallaşdırılması ilə bağlı razılığa gəlib. Rəsmi imzalanma mərasiminin 2015-ci il aprelin 14-də Bakıda keçirilməsi planlaşdırılır”, - deyə məlumatda qeyd olunur.

Zavodun illik gücü təxminən 180 min ton propilen təşkil edəcək. Bu, Azərbaycanda polipropilen buraxılışı üzrə ilk zavod olacaq. Müəssisədə naftanın krekinqi nəricəsində alınan propilen xammal kimi istifadə olunacaq.

Şirkətlər qrupu Milan Fond Birjasında reyestrə daxil edilib, 30-dan artıq ölkədə nümayəndəliyə malikdir, 45-dən artıq şirkətə nəzarət edir, ştatı isə təxminən 4500 nəfərdən ibarətdir.

SOCAR 2014-cü ilin sonunda “Qazprombank”dan SOCAR-Polymerin tikintisi üçün $420 cəlb edib. Müəssisədə Lyonell Basell Industries şirkətinin texnologiyaları tətbiq olunacaq.

“SOCAR-Polymer” SOCAR tərəfindən təsis edilib, nizamnamə kapitalı $100 mln.-a bərabərdir. Müəssisənin səhmlərinin 51%-i SOCAR-a, 49%-i yerli şirkətlərə məxsusdur.

“Maire Tecnimont S.p.A” şirkətlər qrupu mühəndislik, tikinti, texnologiyaların hazırlanması, lisenziyalaşdırma, energetika və karbohidrogenlərin sənaye istehsalında ixtisaslaşan birgə müəssisələrin yaradılması, o cümlədən energetika və infrastruktur layihələrində dünyanın aparıcı şirkətdir.–0--