2013-cü ilin yanvarında dövlət və özəl müəssisələr 463 adda mal ixrac edib. Bu, ötən ilin yanvarındakından 20% azdır, deyə Dövlət Gömrük Komitəsinin məlumatında bildirilir.
İxrac strukturunda xam neft, neft məhsulları və qazın xüsusi çəkisi 93,9% və ya $1,8 mlrd olub. Xarici ticarət əməliyyatları iştirakçılarının sayı da azalıb. Əgər 2012-ci ilin yanvarında idxal-ixracla 2 182 şəxs, o cümlədən 1474 şirkət məşğul olubsa, bu yanvarda bu göstərici 15,% azalıb və 1 893 şəxs təşkil edib. Bunun 1495-i hüquqi şəxsdir.
Fevralda yerli KİV-də gömrüyün fəaliyyəti barədə ifşaedici materiallar gedib. Bu yazılara əsasən, “Gilan Holding” Sumqayıtda tekstil fabriki tikdiyi üçün pambıq parça və hazır pambıq məmulatı idxalına gizli qadağa qoyulub. Bu qrup Binədə ayaqqabı fabriki tikib və bazarda bütün sektoru inhisarlaşdırmaq istəyir. Keçmiş DGK sədri, indi GHN şefi Kəmaləddin Heydərov gömrüyü nəzarətində saxlayır, deyə yerli KİV yazır. “Gilan Holding” qrupu onun ailəsinə məxsusdur və neft və qazdan başqa, praktik olaraq bütün sahələrlə məşğuldur. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz