Bu ilin iki ayında Azərbaycanın karqo daşıyıcıları sifarişçilərə 16 min ton yük çatdırıb. Bu, ötən ilin eyni dövründəkindən 28% çoxdur. Aviaşirkətlərin yük dövriyyəsi 2 dəfədən çox artıb və 70,6 mln km olub, deyə Dövlətstatkomda Turan-a bildiriblər.
Ötən il Azərbaycan şirkətlərinin yük daşımaları bir qədər azalıb (-1,6%) və 123,8 min ton olub.
Dövlətstatkom daşımaların rentabelliliyi barədə informasiya verə bilmir, çünki “Azerbaijan Airlines” QSC «struktur islahatları» adı ilə maliyyə hesabatını gizləyir.
Əsas milli yük daşıyıcıları “Silk Way Group”un iki şirkətidir (“Silk Way West” və “Silk Way Airlines”). Onlar Azərbaycandan kənarda yük daşıyır. Bu holdinq özünü Britaniya biznesi kimi qələmə verir. Amma KİV qeyd edir ki, şirkətlər qrupu Azərbaycan prezidentinin ailəsinə məxsusdur.
Bu il “Silk Way West” MMC “Boeing” şirkəti ilə ümumi qiyməti $1,1 mlrd olan 3 ədəd 747-8 Freighter təyyarəsi almaq barədə saziş imzalayıb. 08B
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz