Bu ilin ilk yarısında Azərbaycan aviaşirkətləri yükdaşımalardan 214,7 mln manat əldə edib. Dövlət Statistika Komitəsindən Turana verilən məlumata görə, bu da 2012-ci ilin müvafiq dövründən 25% çoxdur. Bununla yanaşı yükdaşımaların həcmi 1,9 dəfə artraq 54,7 min ton təşkil edib.
Birinci rübdə yükdaşımaların rentabelliyi 29% təşkil edib. Ümumi xərclər 166,4 mln manat olduğu halda aviaşirkətlərin balans gəliri 48,2 mln manat təşkil edib. Bu il karqo daşımaların xərcləri 34,8% artıb.
Azərbaycanda yükdaşımalarla “Azerbaijan Airlines” QSC, “Turan Air”, “Silk Way Airlines”, “Silk Way West” aviaşirkətləri məşğuldur. Son üç şirkət “Silk Way Holding” şirkətlər qrupuna daxildir. Daşınmaların əsas hissəsi fəaliyyətini əsasən ölkə xaricində həyata keçirən bu holdinqin payına düşür.
DSK-nin məlumatına görə, bu ilin ilk səkkiz ayı ərzində yerli aviaşirkətlərin hava nəqliyyatında həyata keçirdiyi yükdaşımaların həcmi 73,8 min tona çatıb, bu da ötən ilin analoji dövrünün göstəricilərindən 92,6% çoxdur. 2012-ci ildə hava nəqliyyatında yük daşımaların həcmi 59,1 min ton təşkil edib, bu da 2011-ci ildən 16,8% çoxdur. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz