![Kənd təsərrüfatı subsidiyaları üzrə növbəti qərar qəbul edilib](https://turan.az/resized/./turan-750-500-resize.webp)
Kənd təsərrüfatı subsidiyaları üzrə növbəti qərar qəbul edilib
İyulun 2-də Kənd təsərrüfatı subsidiyaları üzrə respublika komissiyasının nazir İsmət Abasovun sədrliyi ilə növbəti iclasında mineral gübrələri qiymətinin 50%-ə satan şirkətlərə subsidiya ayrılması barədə qərar qəbul edilib.
Kənd Təsərrüfatı Nazirliyi mətbuat xidmətinin məlumatına görə, 4 subyektə 3 mln 228 min manat subsidiya verilməsi qərara alınıb. “Aqrolizinq” ASC, “Aqrokimya” MMC, “Mikro Az Feed” və “NUR-AZE” vəsait alıb.
Bu şirkətlər 83,2 min ha torpağı gübrələmək üçün 9 474 fermer və kənd təsərrüfatı obyektinə 14 487,6 ton mineral gübrə satıb.
Azərbaycanda kənd təsərrüfatının subsidiyalaşdırılmasına 2006-cı ildən başlanılıb. 2007-ci ildən fermerlərə mineral gübrə satışının vəsaitinin yarısı dövlət büdcəsindən ödənilir.
2013-cü ildə dövlət büdcəsindən kənd təsərrüfatının subsidiyalaşdırılması üçün 125 mln manat, o cümlədən mineral gübrə üzrə 25 mln manat ayrılıb. İndiyədək bu vəsaitin 12 mln manatı mineral gübrə alışına xərclənib. 2012-ci ildə bu məqsədlə 114 mln manat xıərclənib. Bunun 18 mln manatı mineral gübrə satanlara ayrılıb. 08D
-
- İqtisadiyyat
- 3 İyul 2013 14:52
-
- Analitika
- 3 İyul 2013 15:00
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz