Dövlət başçısı İlham Əliyev mətbuat işçilərinin mənzil şəraitinin yaxşılaşdırılması üçün inşa olunan yaşayış binasının tikintisinin davam etdirilməsi məqsədi ilə 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 3 milyon manat ayırıb. Əvvəl bu məqsədlə 31 mln manat ayrılmışdı. İndi bina vergi ödəyicilərinə 34,6 mln manata, 100 kv m-lik 1 mənzil 136 min manata başa gəlir.
Bu, KİV işçiləri üçün ikinci binadır (3 blok, 255 mənzil) və Milli Mətbuat günü – 22 iyul 2015-ci ildə istifadəyə veriləcək.
Jurnalistlər üçün ikinci binanın tikilməsi barədə qərar 2013-cü ildə Milli Mətbuat günündə qəbul edilib. O vaxt dövlət başçısı İlham Əliyev Prezident yanında Kütləvi İnformasiya Vasitələrinin İnkişafına Dövlət Dəstəyi Fonduna 17 mərtəbəli binanın tikintisi üçün ilkin olaraq 5 mln manat (http://www.president.az/articles/8743) ayırmışdı. Həmin ildə binanın layihələndirilməsi üçün “Arxin-M ltd” şirkəti ilə 215 425,89 manat məbləğində saziş imzalanmışdı. 2014-cü ildə Fond yerli “Portos” tikinti şirkəti ilə binanın tikintisi barədə müqavilə imzaladı. Məbləğ 31 466 860,71 manat idi, deyə Satınalmalar üzrə Dövlət Agentliyi bildirir.
Hökumət jurnalistlər üçün tikilən binanın digər maliyyə mənbələrini açıqlamır. Ekspertlər hesab edir ki, bu, dövlət büdcəsində Nazirlər Kabinetinin Ehtiyat Fondu, ya da eyni «pul kisəsində» olan dövlət əsaslı tikinti üçün nəzərdə tutulan vəsaitlər ola bilər.
KİV işçiləri üçün ikinci bina 2013-cü ildə istifadəyə verilən birinci binanın yanında tikilir. Birinci bina 156 mənzildən ibarət idi. KİVDF-nin (http://kivdf.gov.az/news) hesabatına əsasən, binanın tikintisinə və mənzillərin təmirinə 22 396 316 manat xərclənib. Bu binanın tikinti işlərinin podratını «Portos» MMC tikinti şirkəti həyata keçirib. Tenderin nəticələrinə əsasən, müqavilənin ilkin məbləği 16 902 602,74 manat təşkil edib. Layihə nə az, nə çox, 5,5 mln manat «ağırlaşıb».
Qeyd edək ki, bu şirkətin adına yalnız jurnalistlər üçün iki binanın tikintisində rast gəlmək olar. Vergilər Nazirliyinin məlumatına görə, “Portos” MMC 2009-cu ilin sentyabrında bir fiziki şəxs tərəfindən (Qafarov Qafar Hüseyn oğlu) 50 manat nizamnamə kapitalı ilə təsis edilib. --08B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz