Maliyyə Bazarlarına Nəzarət Palatasında qeydiyyatdan keçmiş lotereyalardan və dövlət daxili uduşlu istiqrazlardan əldə olunan uduşlar vergiyə cəlb ediləcək.
Turan məlumat verir ki, Vergilər Nazirliyinin mətbuatda dərc edilən şərhinə görə, bu qaydalar 2017-ci ildə qüvvəyə minmiş Vergi Məcəlləsinə dəyişikliklərdə öz əksini tapıb.
Bundan sonra keçirilən lotereya, digər yarışlar və müsabiqədə qazananlar uduşun 10% -i həcmində vergi ödəyəcəklər.
Vergi ödəməni edən şəxs rezident hüquqi şəxs və fərdi sahibkar olduqda həmin şəxs tərəfindən, ödəməni edən daimi nümayəndəliyi olmayan qeyri-rezident olduqda isə uduş (mükafat) əldə edən şəxsin bank hesabının olduğu yerli bank, xarici bankın Azərbaycandakı filial və ya poçt rabitəsinin milli operatoru olan “Azərpoçt” MMC tərəfindən tutulmalıdır.
Vergi məbləği hesabat ayından sonrakı ayın 20-dən gec olmayaraq bəyan edilməli və büdcəyə köçürülməlidir.71D
İqtisadiyyat
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
-
Türkiyə 2053-cü ilə qədər karbon neytrallığına nail olmağı və iqtisadiyyatının əsas sahələrini "sıfır tullantılar və yaşıl inkişaf" vizyonu əsasında transformasiya etməyi hədəfləyir, deyə Türkiyə prezidenti Rəcəb Tayyib Ərdoğan Bakıda keçirilən COP29-da bazar ertəsi bildirib.
Rəy yaz