Prezident İlham Əliyevin martın 29-da İlqar Nazim oğlu Muradovu Maliyyə Bazarlarına Nəzarət Palatası publik hüquqi şəxsin Direktorlar Şurasının üzvü təyin edib. Həmin gün İbrahim Əsəd oğlu Alışov isə MBNP-nin baş icraçı direktoru vəzifəsinə təyin olunub.
Palatanın məlumatına görə, 45 yaşlı İ.Muradov bundan əvvəl Qiymətli Kağızlar üzrə Dövlət Komitəsi sədrinin müavini vəzifəsində çalışıb.
İbrahim Alışov 1967-ci ildə Sumqayıt şəhərində anadan olub. O, Dövlət İqtisadiyyat Universitetini bitirib. Son təyinatdan əvvəl “Caspian Development Bank”ın Müşahidə Şurasının sədri vəzifəsini icra edib.
Xatıraladaq ki, artıq Maliyyə Bazarlarına Nəzarət Palatası publik hüquqi şəxsin sədri və sədrin birinci müavini təyin edilib.
MBNP-nin yaradılması haqqında sərəncam 3 fevralda imzalanıb.
Nizamnaməyə əsasən, Maliyyə Bazarlarına Nəzarət Palatasında 5 nəfər üzvdən ibarət Direktorlar Şurası yaradılır.
Hələlik Palatanın inzibati binası məsələsi həllini tapmayıb. O, müvəqqəti olaraq Milli Depozit Mərkəzində yerləşib. MDM martın 29-da ona məxsus binanı tərk edib. 08D
İqtisadiyyat
-
Biznes Mühiti və Beynəlxalq Reytinqlər Komissiyasının İşçi Qrupu tərəfindən hazırlanan və elektrik şəbəkəsinə qoşulma mövzusunda məlumatları əhatə edən qanunvericilik normaları və elektron dövlət xidmətləri ilə bağlı ətraflı icmal dərc edilib.
-
Üçüncü oxunuşda qəbul edilmiş "Vergi Məcəlləsinə Dəyişikliklər Haqqında" qanun layihəsi Azərbaycanda yerli istehsal avtobuslarının satışı və bu nəqliyyat vasitələri üçün ehtiyat hissələrinin təchizatı üzrə vergi güzəştlərini nəzərdə tutur. Bu barədə İqtisadiyyat Nazirliyi yanında Vergi Xidməti məlumat verərək, hökumətin təşəbbüsünün ölkədə biznesin inkişafını dəstəkləmək və vergi yükünü azaltmaq məqsədinə xidmət etdiyini bildirib. Güzəşt 1 yanvar 2025-ci il tarixindən qüvvəyə minəcək və 8 il müddətində qüvvədə qalacaq.
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
Rəy yaz