Maliyyə Nazirliyi səhm emissiyasında payını ödəyib

Maliyyə Nazirliyi Azərbaycan Beynəlxalq Bankının səhm emissiyasında payını tam ödəyib. Bakı Fond Birjasının məlumatı bunu göstərir. 

Yanvarın 17-də hərracda 54 əqd üzrə 104 578 781,84 manatlıq səhm yerləşdirilib. 

Dövlət Maliyyə Nazirliyinin şəxsində ABB-də 50,2% paya malikdir. 30 iyun 2013-cü il üçün ABB-nin aktivləri 6,7 mlrd manatı keçib. Bankın səhmdra kapitalı isı 470,6 mln manat olub.  

1800 səhmdar arasında səhmlərin yerləşdirilməsi 12 aprelə başa çatmaldıır. Onlar imtiyazlı hüququndan istifadə etməsə, səhmlər kənar şəxslərə təklif ediləcək. 

ABB 2009-cu ilin sonundan 2010-cu il üçün dividend verməyib. 2012-ci ildən dividend verilməsi bərpa olunub. Amma investorlar bankın səhmlərinə xüsusi maraq göstərmir. Nominalı 0,26 manat olan səhmlər açıq satışda 0.20 manatdır.

2011-ci ilin martında hökumət yenidən dövlətin payının satılması planına qayıdıb. “PricewaterhouseCoopers Audit Azerbaijan”, "Rothschild &CIE" və “Salans UK Limited” şirkətlərindən ibarət konsorsium məsləhətçi seçilib. O vaxtdan nizamnamə kapitalını 368,3 mln manata artırıb. Amma bu dövrdə bank çətinliklər yaşayıb. Hələlik bir sıra məsələlərdə qərara gəlməyib: ABB-nin kapitalında nə qədər pay saxlamalı, özəlləşən payı kimə təklif etməli, prosesi nə vaxt başa çatdırmalı.   

Emissiya başa çatandan sonra ABB səhmdarlardan 2015-2017-ci illərdə ildə 100 mln manat cəlb etmək istəyir. ABB qrupuna RF və Gürcüstanda 2 bank, sığorta, lizinq, prosessinq şirkəti daxildir. 08D