Maliyyə Nazirliyi ötən cümə günü dollar nominalında buraxılan qısamüddətli istiqrazları yerləşdirib.
Bakı Fond Birjasından Turan-a bildirilib ki, sifarişlər birjanın iki üzvü tərəfindən təqdim olunub. Sifarişlərin nominal üzrə ümumi məbləği $16, 4 mln. təşkil edib. Qiymətli kağızların ödəmə tarixi 10 fevral 2017-cı ildir. İstiqrazlar üzrə gəlirlilik 3,08% təşkil edəcək.
Qeyd edək ki, $10 mln. həcmində ortamüddətli istiqrazın satışı üzrə hərrac ərizə az olduğundan ($2 mln.) baş tutmayıb.
Ümumi məbləği 25 mln. manat həcmində manatla istiqrazların alışı üçün heç bir təklif daxil olmayıb.
İki hərrac ərzində Maliyyə Nazirliyi 20 mln. manat və $22 mln. yerləşdirib. Nazirlik cəmi 400 mln. manat və $500 mln. dollar buraxıb. 08D
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz