Maliyyə Nazirliyinin "Buta Sigorta"ya iradı yoxdur

"Buta Sigorta" sığorta şirkəti ("Thames Insurance Group") il ərzində nizamnamə kapitalı səviyyəsini 6,5 mln. manat artırıb, bu da Maliyyə Nazirliyinin iradlarının qarşısını alıb. Həmçinin kapitallaşma səviyyəsi də artıb – öhdəliklərlə birlikdə ümumi kapital 9,07 mln. manat təşkil edib, bu da ötən ilkindən bir yarım dəfə çoxdur. Şirkətin zərəri 346,48 min manat təşkil edib. Audit rəyləri ilə təsdiq olunmuş maliyyə hesabatına əsasən, ötən il əsas şirkətin maliyyə əməliyyatlarından ümumi gəlirləri 2 mln. 943,86 min manat təşkil edib. Onların əsas hissəsi – 2 mln. 727,71  min manat sığorta premiyalarının payına düşüb. Təkrar sığorta əməliyyatlarından əldə edilən premiyalar 77,49 min manat, investisiya gəlirləri – 279,58 min manat təşkil edib.

2012-ci ildə şirkətin ümumi xərcləri 1 mln. 986,02 min manat təşkil edib. O cümlədən sığorta ödənişlərinin həcmi 339,73 min manat, sığorta işinin aparılması xərcləri – 1 mln. 188,41 min manat, təkrar sığorta xərcləri – 412,72 mln. manat təşkil edib. Ötən il premiyalara dair geri qaytarmalar 7,56 min manat təşkil edib. Bundan əlavə, il ərzində pul ekvivalenti 2,9 min manatdan 6,93 mln. manata qədər artıb.

Ödənilmiş nizamnamə kapitalı 7,3 mln. manat olan "Buta Sigorta" ("Thames Insurance Group") Azərbaycanın sığorta bazarında 1996-cı ildən fəaliyyət göstərir. 

Bu struktura 6 səhmdar sahibdir -  hər birinə səhmlərinin 19%-i məxsus olan Qafqaz Lizinq, Baku Electronics, Bank of Baku, Baku Service Company, Auto Azerbaijan, həmçinin nizamnamə kapitalında 5% payı olan onların baş təşkilatı NAB Holding.

Şirkət nominal olaraq 17 növ könüllü və üç növ icbari sığorta növlərinə dair xidmət göstərir.--17D—

 

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti