May ayinda ilkin mənzil bazarinda qiymətlər 0,5% arib

May ayında İlkin Mənzil Bazarında (İMB) qiymətlər orta hesabla 0,5% artıb. Mütəxəssislərin hesablamalarına görə hal-hazırda İMB-da orta qiymət indeksi 1 kv.metr üçün 865 manat civarında qərarlaşıb. Qeyd etmək lazımdır ki, Ötən rübün müvafiq dövrü ilə müqayisədə qiymət dəyişməsi 2,9%, ötən ilə nisbətdə isə 5,4% artımla yadda qalıb. 2008-ci ilin sentyabr ayı (böhran dövrü) ilə müqayisədə isə qiymət azalması 27,6% təşkil edib. Qeyd edək ki, həmin dövr üçün 1 kv.metr mənzilin qiyməti 1194 manat olub. Mart ayında qiymətlərlə yanaşı, aktivlik əmsalında və bağlanan əqdlərin dinamikasında da yüksələn tendensiya müşahidə edilmişdir. Ay ərzində ən cəlb edici rayonlar Yasamal, Xətai və Nəsimi rayonları оlmuşdur. Tikinti şirkətlərin sayı ötən aya nisbətdə 135-dən 134 -ə düşüb. Araşdırmalar zamanı məlum olub ki, alıcı aktivliyinin əsas hissəsi bağlanmış müqavilələr üzrə əsasən 3 otaqlı mənzillərdə qeydə alınıb. Beləliklə, yanvar ayında satılan yeni mənzillərin təxminən 40,2%-i 3 otaqlıların, 30,2%-i 2 otaqlıların, yerdə qalan 29,6 %-i isə digər 1, 4 və 5 otaqlıların payına düşüb.

Ekspertlər son günlərdə İlkin Mənzil Bazarında (İMB) qiymətlərin bahalaşmasını əsasən mövsümü amillərlə yanaşı, ipoteka kreditləşməsinin bu seqmentə təsiri, tikinti şirkətlərinin kredit portfelinin həcmini artırmaları, paytaxtın bəzi ərazilərində gedən tikinti-quruculuq işləri ilə əlaqədar nəğd vəsaitlər əldə edən əhalinin alıcılıq qabiliyyətinin artmasının da təsir göstərdiyini vurğulayıırlar. Yaxın günlərdə İMB-da sabitliyin davam edəcəyi, qiymətlərdə isə ciddi dəyişikliyin  müşahidə edilməyəcəyi proqnozlaşdırılır.