![MBNP fəaliyyət çərçivəsini genişləndirir](https://turan.az/resized/./turan-750-500-resize.webp)
MBNP fəaliyyət çərçivəsini genişləndirir
Maliyyə Bazarlarına Nəzarət Palatasında yeni təyinatlar olub - Asim Zülfüqarov Palatanın icraçı direktorunun müavini təyin edilib.
Palatanın icraçı direktoru İbrahim Alışevdir.
Bundan başqa, İmran Məmmədov Bank fəaliyyətinə nəzarət departamentinin direktorunun səlahiyyətlərinin icraçısı təyin edilib. O, həmin departamentin Daxili nəzarət idarəsinin rəhbəridir.
Bu struktur fəaliyyətini genişləndirir və əvvəllər Maliyyə Nazirliyinə aid olan səlahiyyətləri öz üzərinə götürür. Belə ki, rəhbərlik ilk dəfə sığorta problemlərindən danışaraq, Sığorta Nəzarəti Dövlət Xidmətinin funksiyasını mənimsəyib. Palatanın Direktorlar Şurasının sədri Rüfət Aslanlı bildirib ki, sığorta sektorunun ilkin diaqnostikası həyata keçirilib və müəyyən problemlər aşkar edilib. O deyib ki, sığorta şirkətlərinin idarəetmə strukturunun təkmilləşdirilməsinə, hesabatlılığın inkişaf etdirilməsinə və maliyyə dayanıqlığının gücləndirilməsinə ehtiyac var.
Xatırladaq ki, Maliyyə Bazarlarına Nəzarət Palatası fevralda prezidentin fərmanı ilə yaradılıb. Qiymətli kağızlar bazarı, investisiya fondları, sığorta və kredit təşkilatları və ödəniş sistemlərinin lisenziyalaşdırılması, tənzimlənməsi və fəaliyyətinə nəzarət Palataının səlahiyyətlərinə daxildir. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz