Milli Depozit Mərkəzi Azərbaycan Beynəlxalq Bankının səhmdarlarına müraciət edərək şəxsi məlumatları depozitar sistemdə və səhmdarların reyestrində eyniləşdirilməsini tələb edib.
Müvafiq sənədlərin təqdim edilməsi üçün səhmdarlara 1 ay vaxt ayrılıb.
MDM 2 minədək emitentə qiymətli kağızlarının saxlanması, onun səhmdarlarının reyestrinin aparılması xidmətləri göstərilir. ABB 2015-ci ildə «Qiymətli kağızlar bazarı haqqında» qanun qüvvəyə minəndən MDM-in müştərisidir. Bu sənədə əsasən, MDM mərkəzi depozitar statusu alıb və Azərbaycan ərazisində QK depozitarı xidmətini yalnız o göstərə bilər. Buna qədər ABB-nin depozitarı reyestraparıcısı «Korporeyt Trast Eycensi» MMC idi.
Emitentin sonuncu illik hesabatına əsasən, ABB-nin səhmdarları 1762 fiziki şəxs və 15 hüquqi şəxsdir. Dövlət Maliyyə Nazirliyinin və “Aqrarkredit”in şəxsində 82,22% səhmə malikdir. Dövriyyədə nominalı 27 qəpik olan 2 mlrd 275 mln 137 min 955 ədəd səhmi var.
Maraqlıdır ki, MDM yalnız ABB səhmdarlarına müraciət edib, amma analoji problem səhmləşmə yolu ilə özəlləşdirilən bütün SC-lərdə var. Onların çoxunda pasport məlumatları son 15-18 ildə dəyişdirilməyib.
MDM pullu xidmət göstərir, amma kommersiya hüquqi şəxs sayılmır. MDM-in təsisçisi Maliyyə Bazarlarına Nəzarət Palatasıdır. MDM 2012-ci ildən maliyyə hesabatını açıqlamır. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz