Milli Depozit Mərkəzi təminatlı istiqrazlara xidmət tariflərinə yenidən baxıb. Yeni tariflər sərəncamçı xidməti üzrə differensial prinsiplə xidmət haqqının ödənilməsini nəzərdə tutur.
MDM-də qeyd edirlər ki, bu tarixədək MDM tərəfindən təqdim edilən sərəncamçı xidməti üzrə xidmət haqqları müqavilə əsasında müəyyən edilir və ümumi tarif cədvəlinə daxil edilməyib. Yeni tariflər əvvəlkindən aşağı faiz dərəcəsi ilə fərqlənir. Xidmət haqqı məbləğinə təmin edilmiş istiqrazların saxlanılması, onlara dair mülkiyyət hüququnun dəyişməsi üzrə əqdlərin qeydiyyatı, istiqraz sahiblərinin reyestrinin aparılması və sərəncamçı xidmətlərin göstəriliməsi ən azı 500 manat olacaq (10 mln manatadək istiqrazlar). Buraxılan qiymətli kağız həcmi artdıqca dərəcə 0,09-dan (20 mln manatadək) 0,67%-ə (60 mln manatdan çox) azalır.
Bakı Fond Birjasının məlumatına görə, dövriyyədə 18 şirkətin 31 emissiyası var. Onların bir hissəsi təmin edilmişdir.
2013-cü ildə korporativ istiqrazların yerləşdirilmə həcmi 769,1 mln, təkrar bazar 967,7 mln manat olub. Birjada bunların bir hissəsi sənədləşib - 152,8 mln və 790 mln manat. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz