Bakıda avtobuslarda gediş kartları 29 yanvardan “Transqeyt” şirkətinin istismarında oaln 38 xətdə tətbiq edilir.
“Bank of Azerbaijan”ın “Yolkart”ı ilə 743 avtobusda gediş kartı tətbiq edilir.
Nəqliyyat Nazirliyində Turan-a deyiblər ki, avtobuslarda validator quraşdırılması davam edir və nağdsız ödənişə keçid sürətlənəcək. Kart ödəniş sisteminə 2011-ci ilin fevralında keçilməli idi. Kartlardan metroda da istifadə etmək olar.
“Bank of Azerbaijan” ASC artıq 450 min MasterCard buraxıb və əlavə 1 mln ədəd sifariş verib.
Nəqliyyat kartlarını “Bank of Azerbaijan” filiallarında, “Yolkart” loqosu olan ticarət köşklərində, supermarketlərdə 2 manata almaq olar. Kart qaytarılanda bu məbləğ ödənilir. Hər dəfə karta ən azı 1 manat yüklənir.
Kart sisteminə keçid sürücüləri plandan azad edir. Onlar ayda ən azı 500 manat maaş alacaqlar. Nağdsız hesablaşma avtonəqliyyatın hərəkətinə müsbət təsir edəcək.
Bakıda avtobusda gediş haqqı 20 qəpik, şəhərətrafın marşrutlarda 50 qəpiyə qədərdir. Bakıda 217 avtobus marşrutu var. Hər gün xəttə 2800avtobus çıxır. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz