Məktəbəqədər müəssisələrin sayı 6,2% azalıb

Hökumətin məktəbəqədər təhsilə qayğı barədə bəyanatlarına baxmayaraq, bu sahədə vəziyyət pisləşib. Uşaq bağçası, körpələr evi, onlara gedən uşaqların sayı da azalıb.

Dövlətstatkoma görə, uşaq bağçası və körpələr evləri ilin əvvəli üçün ölkənin 13,1%-i əhatə edib. Bu, bir il öncəkindən 1,5% azdır. 2005-ci ildə bu göstərici 19,6% olub. Şəhərlərdə əhatə səviyyəsi 2013-cü ildə 18,8% (2005-ci ildəkindən 8,2% az), kəndlərdə 7,5%-dir (- 4,3%).

2013-2014-cü tədris ilində Azərbaycanda 1680 məktəbəqədər təhsil müəssisəsi olub. Bu, əvvəlki ildəkindən 3 vahid çoxdur. Rəsmi məlumata görə, 2001-ci ilin əvvəlində ölkədə 1790 uşaq bağçası və körpələr evi olub. Beləliklə, 13 ildə məktəbəqədər təhsil müəssisələrinin sayı 110 vahid və ya 6,2% azalıb. 2012-ci ildə bu müəssisələrdə 111 min.90, ötən il 107 699 uşaq (şəhərlərdə – 75,2 min) uşaq təhsil alıb.

Bu fonda özəl uşaq bağçası və körpələr evlərinin sayı artır. 2003-2005-ci illərdə ölkədə 3, indi isə 41 özəl uşaq bağçası və körpələr evi olub. Onlarda 1561 uşaq (o cümlədən 490 qız) təhsil alır.

2007-ci ildə uşaq bağçası və körpələr evləri özəlləşməyə açılıb. Bu il yanvarın 1-i üçün 82 məktəbəqədər təhsil müəssisəsi özəlləşdirilib. Onların bir hissəsi özəlləşdirmə tələbinə zidd olaraq profilini dəyişib.

Azərbaycanda məktəbəqədər təhsildövlət büdcəsindən maliyyələşir. Özəl uşaq bağçalarında bu, ayda 600 manata başa gəlir. 08B