Mənzil əlçatan olacaq?

Turan-ın dünən xəbər verdiyi kimi, prezidentin fərmanı ilə Prezident yanında Mənzil İnşaatı Dövlət Agentliyi yaradılıb. (http://www.president.az/articles/19226).

Sənəddə Mənzil İnşaatı Dövlət Agentliyinin strukturu təsdiq edilib, işçilərinin ümumi say həddi 60 ştat vahidi müəyyən edilib. İlkin nizamnamə kapitalı 10 mln manatdır. O, yaşayış və ictimai-işzgüzar zonalarda çoxmərtəbəli evlərin tikintisinin yeganə sifarişçisi olacaq. Müşahidə Şurası 5 nəfərdən ibarət olub 3 illiyə seçiləcək. Ən azı 3 ayda bir dəfə toplaşacaq. İcraçı direktor və müavinləri də o, təyin edəcək.

Agentlik vətəndaşlarının yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək habelə bununla bağlı şəhərsalma və tikinti sahələrində dövlət idarəetməsini təkmilləşdirmək məqsədi ilə yaradılıb.

Tikinti podratçıları «Dövlət satınalmaları haqqında» qanunla müəyyən ediləcək.  Əsasanaməyə görə, agentliyin müstəqil balansı, istifadəsində olan dövlət əmlakı, xəzinə və bank hesabları, möhürü, müvafiq ştampları və blankları var.

İndiyədək hökumət dəfələrlə əlçatan mənzil məsələsini qaldırıb. Hətta güzəştli ipoteka tətbiq edilib. Amma banklar maaşaı $800 ekvivalenti olanlara, eləcə də mənzilin qiymətinin 30%-i ilkin olaraq ödəyənlərə kredit verib. Bu cür şərtlər vətəndaşların çoxu üçün əlçatan deyil. --17D—